Zhuliana Jorganxhi: Asnjë çast s'e ndal hapin!

ZHULIANA JORGANXHI

ASNJË ÇAST S’E NDAL HAPIN!

(Mikut tim të vyer, Ilir Çumani, Drejtor i Përgjitshëm i Institutit Kombëtar i Integrimit të Jetimëve Shqiptarë)

Si një bisk i rënë në tokë.

Ti i mitur, jetimmbetur,

Netë e ditë gëlltisje lotë,

Si kafshatë e patretur.

Të mungoi ninull’ e Nënës,

Puthj’ e saj e ngrohë mbi ballë,

Luteshe që dhe në ëndërr,

Të të vinte një çast pranë.

Ikën vite, hodhe shtatin…

Rruga s’ish për ty asfalt…

Asnjë çast s’e ndale hapin

Drejt jetimëve të pafat.

Sa herë gjumin i’a ke prishur

Kush paranë e ka si mbret.

Sa shumë maska ti ke grisur,

Kur mëshira zemrat vret!

Zëri yt me forcë ngrihet.

Zemra jote hapur rri,

“Çdo jetim të mos ndihet

Si fëmijë pa fëmijëri!”

Sa gëzon kur mirësia

si një rreze dielli vjen,

Ku merr dritë gjithësia,

dashurinë jetimi ndjen.

Nuk ndjen lodhje miku im!

Nëpër ditë edhe mote!

Mbron me zemër çdo jetim

Zgjon ndërgjegjen kësaj bote…!

Trieste – Itali, 22 prill, 2020

Drejtori i Përgjithshëm i Institutit Kombëtar i Integrimit të Jetimëve Shqiptarë, z. Ilir Çumani me fëmijët jetimë