E premte, 21.06.2024, 06:40 PM (GMT+1)

Kulturë

Albert Habazaj: Mos u mërzit, Atdhe!

E premte, 10.04.2020, 09:00 AM


Mos u mërzit, Atdhe!

Nga Albert Habazaj

Motiv nga poezia e P. Kotes

Në Shkollën e Mesme “Skënderbej”

Thurëm, miku im, ëndrra për botën.

Trishtim si Sizifi me gurin ndjej,

Por …, nuk kam përse ta ul sot kokën.

Ëndrra fisnike, ku e falnim jetën

Të bindur, për Atdheun bujarisht,

Kush në zdrukth e hante të vërtetën?!

Kush e hante dogmën sinqerisht?!

Nuk dua ta kthej kokën prapa,

Si ca, që dënglash bëjnë gara,

Ti dhe unë kemi Udhëtim të gjatë,

Ballëlart me shikim përpara,

Për Udhëtimin e blertë që na la,

për Udhëtimin e kaltër që s' e lëmë,

Edhe kur shqiponja krahët e vet ha,

Me vargje do ta ngrëmë në këmbë,

Të marrë qiejt e lartë përsëri,

Dhe pse ia shkarravitin krenarinë

Horrat që ujqërisht dynden lukuni,

Molarët si molë ia gërryen historinë.

Që me dy shporta fiq bëhen bosa,

Dhe, pastaj: “Ku të kam parë, Atdhe…”!

Të tillë, Poeti i Myzeqesë s' i çon me rosa,

Atdhe, ti mos u mërzit, ke ne...

Horrat s’të duan; të blejnë, të shesin,

Sikur të ishe një shtëpi bizhozi

Atdhe, mos u mërzit, se ke poetët

Të duan ata edhe kur i gërryen tuberkulozi.

Prill, 2020



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora