Demir Krasniqi: Këngë për Lorenc Antonin

Demir Krasniqi

Këngë për Lorenc Antonin

( 23 Shtator 1909 – 21 Tetor 1991 )

Ulë këmbëkryq nën hije t’ ftonit –

Po i këndoj  Lorenc Antonit !

Për atë djalë që e lindi Shkupi –

Kur m’ kujtohet m’ dridhet trupi !

Kur përmend  emrin  Lorencit –

Kujtoj  emrin e talentit ,

Kompozitorit e dirigjentit ,

Etnografit e muzicientit ...

Në vitin Dyzet e Tetë ,

Pedagogu i vërtetë ,

Në Prizrenin legjendarë –

Pentagram dhe çelës i parë !

Theu kanunet shekullore –

Solli vlerat muzikore !

Nuk i druhej aspak frikës –

Hapi shkollën e muzikës !

Nga thesari popullor –

Mblodh folklorin muzikor ,

Në Kosovë , Maqedoni ,

Në Serbi e Mal të Zi ...

Gjithandej kah ka shqiptarë –

Mblodhi këngë plot një thesar !

I përmblodhi në shtatë libra –

Që kanë vlerën  sa shtatë  bibla !

Në program t’ Radio Prishtinës –

Redaktor përgjegjës i muzikës !

Prezantoi  vlerat  kombëtare –

N’ festivalet  ndërkombëtare !...

Derisa të tingëlloi toni –

Nuk vdes kurrë Lorenc Antoni !

Bashkë me vlerat e folklorit –

Do t’ jetojë n’ troje t’ arbërorit !