Demir Krasniqi: Hipi hoxha në minare

Parodi humoristiko – satirike :

HIPI HOXHA NË MINARE

Hipi hoxha në minare –

Zu po thërret temxhit pa pare :

“Libri ynë  ka ndërruar jetë –

Do t’ varroset sot  në  drekë !”

Prej se doli interneti –

Librit i hyni  ileti !

E zu ndryshku n’ bibliotekë –

Se me dorë kush s’e ka prekë !

Hipi hoxha në minare –

Zu po thërret temxhit pa pare :

“Shumë gazeta  kanë  ndërruar jetë –

Do t’ varrosen sot në  drekë !”

Prej se doli interneti –

Në gazeta hyni ileti !

Interneti u bë  sebep –

Nuk i futë  ma kush në xhep !

Hipi hoxha në minare –

Zu po thërret temxhit pa pare :

“Gramafonat  kanë  ndërruar jetë –

Do t’ varrosen sot në drekë !”

Prej se dolën magnetofonat –

Ilet morën gramafonat !

Kush me dorë ma  disk  nuk prekë –

Për gjithmonë mbetën të shkretë !

Hipi hoxha në minare –

Zu po thërret temxhit pa pare :

“Audio kasetat  kanë  ndërruar jetë –

Do t’ varrosen sot  në drekë !”

Prej se dolën kompakt disqet –

Audio kasetat e panë si vdiqet  !

S’ dëgjon kush ma audio kaseta –

Për gjithmonë mbeten të shkreta !

Hipi hoxha në minare –

Zu po thërret temxhit pa pare :

“Kompakt disqet kanë ndërruar  jetë –

Do t’ varrosen sot  në  drekë !”

Prej se doli interneti –

Kompakt disqeve iu hyni ileti !

Kush me  sy nuk  i  shikon –

As me veshë nuk i dëgjon !

Hipi hoxha në minare –

Zu po thërret temxhit pa pare :

“Radio stacionet kanë ndërruar  jetë –

Do t’ varrosen sot në  drekë !”

Prej se doli në treg Vajberi –

T’ gjitha radiot i kapi vreri !

Kush ma  valë n’ te nuk kërkon –

As program kush nuk dëgjon !...

Gjilan, më 26.04.2016.  Demir KRASNIQI