Demir Krasniqi: Evenimentet kulturore po ankohen prore

Tufë satirike – humoristike :

Evenimentet kulturore po ankohen prore

 

Evenimentet kulturore ,

Që i kem pas tradita prore –

Po  vajtojnë e protestojnë ,

Se ma kush s’ po i respektojnë !

 

Libri

 

Ja ka nisë po vajton libri –

Lotët e mi s’ po i  zënë as Ibri !...

Zo ‘ ku i bëra gjithë këto mëkate –

M’ ka mbulua pluhuri nëpër rafte ?!

 

Dimër , Verë, në shi, as n’ borë –

Nuk më merr ma kush në dorë !

As në ftohtë e as në vapë –

Mua  në dorë ma kush s’ më kapë !

 

Ma askush nuk më lexon ,

Ma askush nuk më gëzon !

Kur kujtoj do kohëra t’ vjetra –

Pritshin n’ rend n’ biblioteka !...

 

Për t’ më marrë, për t’ më lexua –

Referate për t’ më shkrua !

Kujtoj nxënësit dhe shumë të ri –

Pritnin n’ radhë në librari !

 

Për t’ më blerë mua me pare –

Për t’ ecë n’ rrugë përparimtare !

Autorët numëroheshin n’ gishta –

S’ mundej kush t’ iu ngjiste bishta !

 

Autorët kishin nderë ,

Librat e tyre kishin vlerë !

Ua mësonim biografinë ,

Ua mësonim krijimtarinë !...

 

Sot,  kanë ardhur  do kohëra tjera –

Humbet mundi, humbet vlera !...

Autorët nuk nderohen ,

Librat ma nuk po lexohen !...

 

Sot,  krijuesi  rri  për gjynah –

Prej akshamit deri n’ sabah !

Rri  pa gjumë , porsi Robot –

Duke shkruar vepra kot !

 

Kohë të gjatë rri si jetim –

Der’ ta bëjë gati për botim !

Pastaj fillon të mendojë –

Vallë , po kush do t’ më  ndihmojë ?!

 

A del kush t’ ia sponsorojë –

Librin e ri që ta botojë ?!

Derë më derë shkon si Lypsarë –

Për t’ kërkuar ndihmëtarë !

 

“Kam një libër si thesar ,

Që s’ peshohet as me ar !

Kush me qejf do t’ më ndihmojë ,

Këtë libër që ta botoj ...

 

Përjetësisht do ta nderoj ,

Emrin n’ libër do t’ia publikoj,

N’ promovim, unë, do ta ftoj

Edhe librin do t’ia dhuroj !”

 

Kur i del libri prej botimit –

Donë me e lanë mentë prej gëzimit !

Miq e shokë ia nisë e  i fton –

E luan rolin si  Patron !

 

Miq e shokë t’ gjithë do t’i ftojë –

Librin do ta promovojë !

Me nga një libër do t’i  shpërblejë ,

Do t’ua  shtrojë dhe një koktej !

 

Pasi t’ kalojë kjo festë e librit –

Do t’ luaj rolin e Baba Dimrit !

Derë më derë si çokolata –

Do t’ shpërndaj libra dhurata !

 

N’ daç  qeshu , n’ daç qajë me lot –

Ky është fati i krijuesit sot !

N’ vend se t’ ketë respekt , nderim –

Pleqëria e gjen  n’ mjerim !

 

 

Gjatë tërë jetës një arsimtar –

Ka  ëndërrua  me u bë  shkrimtar !

Gjatë tërë jetës mixha Rrahman –

Ka  ëndërrua  me shkrua roman !

 

Gjatë tërë jetës baca Rafet –

Ka  ëndërrua  me u bë poet !

Por ëndërrimet kot iu shkuan ,

Se kurrë libra s’ mund botuan !

 

Gazeta

 

Haj medet , po banë gazeta –

Kur kujtoj do kohë të nxehta !...

Sikur pites kur i piqen  petët –

Më lexonin fshatrat,  qytetet ...

 

Qysh e  prita këtë  kohë të shkretë –

As me dorë ma kush s’ më prekë ?!

S’ më blenë kush , as s’ më lexon ,

Ma me sy kush s’ më shikon ?!

 

I kam dashtë  shumë gazetarët ,

Që i  botonin lajmet ma  t’ parët !

Po ashtu  korrespondentët –

Përmes meje i qanin dertet !

 

I kam pas unë redaktorët –

Që i zbatonin rregulloret !

Sa për rregulla drejtshkrimore –

Kisha lektorë dhe lektore !...

 

Sot,  për mua nuk  ka kush dert ,

S’ më merr ma askush në xhep !

Jam sëmurë rënd , kam ngelë në vend –

Askush emrin s’ ma përmendë !

 

Prej se dolën celularët –

N’ informim u vunë kularët !      

Prej se doli interneti –

N’ informim u bë  tërmeti !

 

N’ internet rrinë  dita e nata –

Që t’ përhapin dezinformata !

Në  Ajfon rri  Horongopi –

Që nuk  di  ç’ është horoskopi !

Në  Vajber  rri  Lakuriqi –

Që nuk  di  çka është fjalëkryqi !

Në çdo çast punon Llap Topi –

Përhapë lajme Sorollopi !

 

Radioja

 

Haj medet ,  po banë radioja –

Shpejt e shpejt  m’ qitën nga loja !

Askush ma nuk më dëgjon ,

Askush ma nuk më përgjon ?!...

 

Kujtoj kohët  me lezet –

Kur m’ dëgjonin në qytet !

Më dëgjonin , s’ merrnin frymë ,

Se n’ katunde s’ kishte rrymë !

 

Dikur  n’ fshatra tek  malësorët –

Depërtuan transistorët !   

Transistorët me bateri ,

Që  i dëgjonin bujq e bari !...

 

Për “Përshëndetje dhe urime “ –

Bujqit n’ ara bënin pushime !

Për emisionet e folklorit –

Bujqit n’ ara e ndalnin t’ korrnit !

 

Nga çdo  anë  jehonin  malet –

Pleq e t’ rinj dëgjonin lajmet !

N’ emisionet folklorike –

Këndoheshin këngët heroike !

 

Nëpër zona t’ thella malore ,

Ku mbretëronte varfëri mizore ,

Nëpër dasmat popullore –

Thirreshin njerëzit me transistorët !

 

Sot,  n’ shitore për me dalë –

S’ më merr kush as me më falë !

S’ më dëgjon kush nëpër valë ,

T’ gjithë programet më janë ndalë !...

 

 

 

 

 

Kënga

 

Malli zemrën ma përvëloj –

Kohën time kur po e kujtoj !

Më kanë bërë  lodër për lojë –

Sot,  gjithkush  po m’ merr për gojë ?!

 

Dikur , isha  zonjë e rëndë –

Gjithkush s’ mundej t’ këndojë këngë !

Kush nuk kish zë kualiteti –

Injorohej nga mileti !

 

Për t’ kënduar n’ oda për burra –

Duhej ditur këngë si gurra !

Për t’ kënduar n’ dasma t’ burrërisë –

Duhej ditur këngë të trimërisë !

 

Për t’ kënduar  në  radion –

Duhej  hyrë n’ audicion !  

Në provim para komisionit –

Të  melosit  dhe diksionit !

 

Radioja këngët kur emitonte –

Honorar gjithmonë dërgonte !

E paguante interpretuesin ,

Kompozitorin dhe tekst shkruesin !

 

Sot , çdonjëri që ka pare –

Mund t’ këndojë këngët gjithë fare !

N’ fushë të këngës futet me zor –

S’ njeh tekst shkrues , as kompozitor ?!...

 

Nuk len këngë pa i ngjitë bisht –

Herë këndon shqip, herë magjupisht ,

Herë turqisht e herë greqisht ,

Herë bullgare, herë serbisht !...

 

Dikur ,  m’ këndonin burrat  n’ konak –

Sot , po m’ këndojnë femrat cullak ?!

Dikur , këndoheshin këngë trimërie –

Sot , po këndohen këngë rrospie ?!

 

Dikur , burrat  këndonin këngë Gjergji ,

Femrat këndonin këngë kanagjeçi  ...

Burra e gra këndonin veç e veç –

Sot , po këndojnë këngë për  gjyveç !

Dikur , rapsodët  këndonin n’ oda –

Sot , këngëtaret reklamojnë moda !

Dikur , femrat  fshiheshin  n’ gardhiqe –

Sot , këndojnë gjysmë lakuriqe !

 

N’ daç me u bë sot këngëtar ,

Mos me mbet gjithmonë rrogëtar –

Shite shpinë , ndo i  arë , ndo i mal ,

N’ televizion  t’ qesin pa ndalë !...

 

N’ televizion t’ qesin çdo ditë –

Këngët tua do t’ bëhen hit !

Me t’ marrë n’ dasma presin n’ radhë –

Para t’ majme ke me marrë !

 

N’ daç me u bë kompozitor ,

Mos me ndejë n’ kultivator ,

Me i shitë këngët hiq pa zor –

Këqyr gjithë natën n’ televizor !

 

Kopjo hite e këngë botërore –

Shkruaju tekste që t’ shkojnë për dore !

Shkruaju tekste sipas mode –

N’ daç me i  thye shumë  rekorde !

 

Amatorët fillestarë –

Presin n’ radhë këngët me i marrë !

Sa kushtojnë  nuk pyesin fare –

Vetëm vetit me i bë çare !

 

Këtë biznes ne bëfsh përherë –

Shpejtë do t’ bëhesh milioner !

Do t’ krenohesh prej bollëkut –

Lamtumirë fukarallëkut !

 

N’ daç me ikë prej kompresorit –

Rroke rolin e  regjisorit !

Rrasi hundët n’ televizione –

Për muzikë bënë emisione !

 

N’ daç publikun flakë me e kallë –

Fute  n’ odë një kerr me tallë !

Merre tallën e lidhe n’ dukë –     

Shtroje n’ odë sofrën me  bukë !             

 

 

Mbushe sofrën kunguj pa pjekë ,

Përmbi mure vare ndo ‘i  lekë !...

Për regji  t’ odës kësi soji –

Fute  n’ odë ndo ‘i kacë rasoji !

 

Mbi qilima e pëlhurë t’ mëndafshtë –

Fute n’ odë ndo ‘i kerr me kashtë !

Shtini burrat n’ odë t’ këndojnë –

Për rreth tyre  femrat  t’ vallëzojnë !      

 

N’ odë shqiptare s’ ka qenë tradita –

Me hy  brenda gra e çika !

Sot , rreth sofrës burrat  këndojnë –

Gra e çika rrethit vallëzojnë !

 

Sa i përket veshjes kombëtare –

S’ ka rëndësi çka vishet fare !

S’ ka rëndësi krahina , as fisi ,

Nuk po vihet mbi kokë plisi !

 

Haj medet,  çka po këndojmë ,

Haj medet,  çka po dëgjojmë ,

Ku jem kanë e kah po shkojmë –

Vet veten do ta mallkojmë !

 

Kënga jonë ma s’ po dëgjohet ,

Por , ajo sot po shikohet !

Po shikohet çdo pjesë trupi –

Para fëmijëve po na vlon turpi !

 

Demir Krasniqi

Gjilan, më 10.02.2016.