Isak Ahmeti: Zef Ahmeti - Liria dhe demokracia

Zef Ahmeti - Liria dhe demokracia raporti i ndërsjellë?

Nga Isak Ahmeti

Libri :Liria dhe demokracia raporti i ndërsjellë ,Prishtinë - St.Gallen (2012), i autorit Zef Ahmeti , studiues i shkollës gjermane , është studim monografik , mbase i vetmi i këtij lloji  në rrafshin kulturor shqiptar , që përfshin disa fusha që mund të vihen në një tabllo të përbashkët për të kuptuar disa aspekte shumë të rëndësidhme ,pse jo edhe vendimtare , për një shoqëri të lirë e demokratike. Libri në fjalë është strukturuar  në shtatë kapituj :

I.Liria,

II.Kultura dhe liria,

III.Demokracia,

IV.Liria dhe demokracia në civilizimin islam ,

V.Raporti mes Amerikës dhe Evropës lidhur me demokratizimet dhe paqen globale,

VI.Liria dhe demokracia: raporti i ndërsjellë  dhe

VII.Përfundime.

Kësaj i është shtuar edhe një :Shtojcë ,që është substanciale :Përpjekjet për liri dhe demokraci tek shqiptarët( fq.86-114).

Te pjesa e parë , siç e thotë edhe vetë titulli , studiuesi në fjalë  , me kompetencë shkencore , ka trajtuar çështje të semantikës së lirisë  , çështjen e lirisë në Antikë , në Mesjetë , në Kohën e Re  dhe sot ,liritë në aktet juridike nacionale  dhe në konventat ndërkombëtare. Në pjesën e dytë  trajton kulturën , aspektin universal  të kulturës , konceptin kulturë , etj.Demokracia është pjesa e tretë e këtil libri , ku studiuesi ka trajtuar aspektet historike zhvillimore të sistemeve politike që nga antikiteti grek , teajton tek kjo pjesë historinë , idetë politike që nga Platoni  , Aristoteli ,Tomë Akuini e deri tek autorët modernë  që janë marrë me këtë problematikë. Në këtë kapitull shtjellon dhe trajton konceptin e demokracisë ,llojet e demokracisë perëndimore ,teoritë e ndryshme  si:teoria demokratike republikane , teoria e demokracisë realiste  ,teoria e demokracisë komplekse , demokracua direkte  dhe indirekre  , etj. Kapitull më vete dhe mjaft interesant është: Liria dhe demokeacia në civilizimin islam ,ku , me mjaft maturi dhe pedantëri shkencore , autori në fjalë ka trajtuar konceptin e demokracisë dhe të lirisë në islam . Te:Raporti mes Amerikës dhe Evropës lidhur me demokratizimet dhe paqen globake , është trajtuar qasja dalluese e Amerikës dhe Evropës përkitazi me demokracinë dhe lirinë rajonale dhe globale si dhe qasja ndaj krizave dhe mënyra se si duhet të zgjidhen ato.Raporti i ndërsjellë i lirisë dhe demokracisë është trajtuar te kapitulli i VI-të .Në :Shtojcë ,kemi një trajtim specifik  , analitik , shkencor , të përpjekjeve të shqiptarëve të Kosovës dhe të Kosovës në periudhën 1945-1990.Kështu prandaj ,në fund , autori me të drejtë konstaton :Shqiptarët kanë mundësi që të luajnë rol vendimtar  strategjik dhe ndikues ,pra që të bëhen faktor shumë i rëndësishëm politik dhe ekonomik.Duke filluar sidomos  me një integrim ekonomik , bashkëpunimi i ngushtë  në fushën ekonomike  d të ndikonte në integrimet e tjera.Dhe kjo do ndikonte  që populli shqiptar të jetë faktor stabiliteti , prosperiteti , faktor për liri dhe paqe ...(fq.118).Krejt në fund le të theksojmë se ky është libri i katërt i këtij autori  , i cili , siç dihet , ka botuar edhe shumë punime të tjera shkencore në revista ,por edhe në gazeta të ndryshme : në Kosovë, në Shqipëri , Gjermani ,Austri dhe Zvicër.

Libri :Liria dhe demokracia është shkruar me përkushtim dhe akribi shkencore  ,ka 383 referenca dhe një literaturë të përzgjedhur e të konsultuar që dëshmon se studiuesi në fjalë i përket shkollës gjermane  , gjë që premton shumë .Le të shpresojmë !