Demir Krasniqi: Jalla mora rrugën lala për Prishtinë

Parodi humoristiko – satirike kushtuar aktualiteteve politike :

JALLA MORA RRUGËN LALA  PËR PRISHTINË

- Këndohet sipas melodisë së këngës popullore me titull :

”Jalla , mora rrugën ,lala,  për Tiranë”-

 

Jalla,  mora rrugën, lala, për  Prishtinë  me shkua –

Jalla, në Kuvend, o lala ,  për  me bisedua ,

Of, aman, aman, aman, aman !

 

Jalla, në foltore, lala , nisa  me  shitë mend – e,

Jalla,  m’ zuri nata, lala, bujta në Kuvend  – e,

Of, aman, aman, aman, aman !

 

Jalla,  n’ sallë t’ Kuvendit, lala,  m’ çeli drita –

Jalla,  çka m’ ka gjet ,o lala,  fare nuk e dita ,

Of,  aman, aman, aman, aman !

 

Jalla, m’ çeli drita , lala , m’ doli gjumi –

Jalla, shumë policë , o lalë, m’ kishin shti përfundi ,

Of, aman, aman, aman,aman  !

 

Kuvendi i Kosovës, lala , gropa – gropa ,

Po  gjuajnë deputetët, lalë,  me shishe , me  gota ,

Of,  aman, aman , aman, aman !

 

N’ Kuvend të Kosovës ,lala,  po na fishkëllejnë  pipëzat –

Shefat e partive, lalë,  po na i fillojnë krizat ,

Of, aman, aman, aman, aman  !

 

N’ Kuvend të Kosovës, lalë, seç na u bë  tërmeti –

Pozitë – opozitë , o lalë , luftojnë në mes veti ,

Of, aman, aman, aman, aman !

 

N’ Kuvend të Kosovës, lalë,  po kërcasin grushtet –

Luftojnë deputetët, lalë ,  për mbërri n’ pushtet –e ,

Of, aman, aman, aman,aman !

 

N’ Kuvend të Kosovës, lalë,  përdoren fjalë t’ tharta –

Luftojnë deputetët, lalë,  për pozita t’ larta ,

Of, aman, aman, aman,aman !

 

N’ Kuvend të Kosovës, lalë, derdhet ngjyrë e kuqe –

Luftojnë deputetët, lalë, vetëm për kolltuqe ,

Of, aman, aman, aman,aman !

 

N’ Kuvend të Kosovës, lalë,  po kërcasin shqelmat –

Luftojnë deputetët, lalë, përdorin dhe helmet,

Of, aman, aman, aman,aman !

 

N’ Kuvend të Kosovës, lalë,  po kërcasin shishet –

Luftojnë deputetët, lalë, mbledhja që të prishet ,

Of, aman, aman, aman,aman !

 

N’ Kuvend të Kosovës, lalë, po kërcasin gotat –

Luftojnë deputetët, lalë, për t’i mbledhur votat ,

Of, aman, aman, aman,aman !

 

N’ Kuvend të Kosovës, lalë,  po kërcasin vezët –

Aty shahen nënat , lalë , aty shahen tezet ,

Of, aman, aman, aman, aman !

 

N’ Kuvend të Kosovës , lalë , seç po hidhet tymi –

Shtyhen deputetët , lalë , cili asht ma trimi ,

Of, aman, aman, aman, aman !

 

N’ Kuvend të Kosovës, lalë,  tymit po i vjen era –

Janë sëmurë deputetët , lalë , t’ gjithë nga karriera ,

Of, aman, aman, aman, aman !

 

N’ Kuvend të Kosovës, lalë, seç po hidhet gazi –

Shtyhen deputetët,  lalë,  s’ iu ndalet avazi ,

Of, aman, aman, aman, aman !

 

Kuvendi i Kosovës,  lalë,  mbushë me gaz lotsjellës –

Mu sikur luginat,  lalë,  kur mbushen prej mjegullës ,

Of, aman, aman, aman, aman !

 

N’ Kuvend të Kosovës,  lalë,  seç po derdhen lotët –

Der’ sa t’ mbërrijnë n’ pozita, lalë,  po iu ikin motet ,

Of, aman, aman, aman, aman !

 

N’ Kuvend të Kosovës,  lalë,  seç po hidhen gurët –

Seç po i thyhen dyert,  lalë,  dritaret dhe muret ,

Of, aman, aman, aman, aman !

 

N’ sheshe të  Prishtinës, lalë,  seç po shkon rrëmujë –

Rrugët e qytetit,  lalë,  po fshihen me gjunjë ,

Of, aman, aman, aman, aman !

 

Protestuesit lidhur,  lalë,  n’ asfalt po i shtrijnë –

Rrugët e Prishtinës, lalë,  me shpinë po i fshijnë ,

Of, aman, aman, aman, aman !

 

Gjilan, më 24.11.2015.         Demir KRASNIQI