E premte, 19.04.2024, 04:29 AM (GMT+1)

Kulturë

Ramiz Lushaj: Sot e takova rrugës Sadik Selmanin

E hene, 11.05.2015, 08:00 PM


Ramiz LUSHAJ

 

SOT E TAKOVA RRUGËS SADIK SELMANIN...

 

1.

Sot e takova rrugës Sadik Selmanin...

Te dy e kishim lanë duhanin.

Me fisnikëri e mbante në kambë veten.

Nga xhepi i majtë me dorë të djathtë

Ma zgati mirësisht paketën:

-Po ua çoj nga dy cigare me dashuri e mallë,

Ju të gjithëve sa jeni mbledh për mue në bar-restorant “Real”.

 

E të jehuen fjalët n’Qafë Morinë deri n’Qafë t’Agrit:

-Ju rrit’të ndera e bujaria Sadik Selmanit.

Peshë e mendjes, fuqi e burrit...

“Qytetar Nderi” i Nikaj-Mërturit.

 

2.

Sot e takova rrugës Sadik Selmanin...

Bash në kodër tek Blini i Grisë,

Në derë të kullës, në oborr të shtëpisë,

Vet i treti – me dy vllazën: me Ademin e me Ramën.

Tue ardhë këtu mes jush...

Të qeshun... e të veshun me të bardhin plis...

Veç Valbona e kthjelltë iu hynte midis...

 

Tri kullat e Selmanëve rritë me 30 shtëpia

I pret’ Ndera e trollit,

Prej kullave i përcjell’ Lavdia...

Disa për mendje, pushkë e penë i njeh’ Shqiptaria.

 

3.

Sot e takova rrugës Sadik Selmanin...

I kishte nisë djemtë nga kulla e tij në këtë sallë...”Real”.

Nuredinin, Zeqirin, Ukën – tre trashëgimtarë dinjitarë,

Çikën Xhbane si margaritarë...

 

Gjithkush i gëzohet Nderimit të Babës, lartësimit të Burrit.

Ma shumë kur vjen një nderim i tillë prej Nikaj-Mërturit.

 

Baba i Mirë,

Peshë e Madhe dhe Provë e Vështirë.

Kur bahet gjysh e stërgjysh,

Këto rriten shumëfish...

 

Mal i madh ky Sadik Selmani...

 

T’lumtunit juve,

breznitë e tij genetike - që e kini dhe ia dini...

 

Jeni të nderuar ju brezat e tij

Që emën e vepra lart ia mbani.

 

Mal i madh ky Sadik Selmani...

 

4.

Sot e takova rrugës Sadik Selmanin...

Si në legjenda dhe në jetë: 111 vjeç.

Si Shtylla e Grisë ishte i fortë.

Me ne udhëtar në këtë Botë...

 

Kullë e mendjes, derë bujare,

Lisnajë e vlerave mot pas motit

Me ne në këtë sallë, edhe Ditën e Sodit...

 

Po shoh se në kit’ mesditë ka ndalë dielli mbi Nikaj-Mërtur,

Me sy ag dhe rreze dritë e pret një burrë:

Po vjen n’kostum kombëtar ky kreshnik i Malësisë:

Ky burrë i kohnave – Sadik Selmani i Grisë!

 




(Vota: 29 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora