Qazim Shehu: E menjëhershme si një rreze

E MENJËHERSHME SI NJË RREZE

 

Trevargsh

 

QAZIM D. SHEHU

 

+++

E menjëhershme si një rreze

Nga mijëra kilometra largësi

Erdhe ti…

+++

Puhizë e ëmbël.Gjeratore

Shprese.Që  na kujton

Djepin e dheles…

+++

Bërryl i rrugës.Një plep

Gjethet mërzit nëpër erë

Për të fshehtën e bërrylit të mjerë…

+++

Shtëpitë e bardha.Gëlqere e re

Rrobë trishtimi llamburit

Nën retë e ikjes.

+++

Zgavër kujtimesh thellohet

Nga koha që dyndet  të hyjë

Në to.

+++

Hijet e shenjta të gjyshërve

Përtypi koha.Stolitë e tyre

Muzetë drithërojnë.

+++

Shiu rrëshqet mbi tjegulla

Me fjalë të pakuptueshme

I lutet botës së ujtë.

+++

Mbi duart e tua të pastra

Ngre botë.Ku ta shpie

Dora e pastër mbetet në hije.

+++

Oh, barku jot i hyjnortë

Rritur nga filiz i burgosur

Në vlagën e shuar të tjetrit.

+++

Hijeshi e qiellit nuk u lodh

Të mbetet po hijeshi.

Dhe ta kundrosh…sa bezdi.

+++

Zbret nata thellësive të saj

Dhe thellësia ka një fillim:

Agim…

+++

Hijeshi e qytetit humb nëpër kulla

Rrugë, parqe ,sheshe,

Periferia ngre leqe…

+++

Me shijen e bukëssë mbrueme

Dashuria për vendlindjen fillon

Kur e vodhe si hije në fron…

+++

Zë i fuqishëm,delir maskash

Mbyllet në guackën

E tij…

+++

Laureshat i gjuajta

Vetëm me sy

Tremben gjahtarët…

+++

Çdo mëngjes rilind

Përmes një fjale

Që ma vjedhin.

+++

Varen shelgjet në pikëllimin tim.

Flokët e vajzës që iku

Lëshuan më tepër pelin..

+++

Dallga mbështjell me gjuhë

Rërën në breg

E pështyn thellësive…

+++

Poezia, praktikë e përditshme

E zemrës së rimuar

Nën mungesa fjalësh…

+++

Zë i detit buçet

Me të drejtë

Pa rrëfyer rrëketë…

+++

Mëzi në lëndinën e njomë

S`e di që do theret

Bari filloi të zverdhet…

+++

Kënga e shirësit të grurit

Ngriti mjegullën e bykut

Zbuloi floririn…

+++

Në rrathë gjelbërimi të ngopur

Dyndet verbëri

Gjelbërimi i jep sy.

+++

Forma të ashpra malesh ruajnë

Mërinë e fushës së urtuar

Mbeti pa punuar…

+++

Para bukurisë shpirti çel

Lulet e veta

Në aroma të largta…

+++

Të heshtësh,të flasësh?

Kufi delikat

I dashurisë së vonuar…