Remzi Salihu: Poezi nga Ingrid Kayzer

Ingrid Kayzer (Ingrid Kayser), u lind në vitin 1944 Knitelfeld (Shtajermark) të Austrisë. Nga viti 1951-1956 u rrit në Gjerma­ninë Lindore, te një familje që s’kishte fëmijë. Studioi në Gotingen gjerma­nishten dhe anglishten. Përmbledhjen e parë “Orët më të gjata të ditës’’ e botoi në vitin 1979. Madje ka qenë bashkëpunëtore në përpilimin e një antologjie gjermanisht-polonisht. Këto poezi janë zgjedhur nga libri “Ditët numërojnë orët’’1982.

 

PA NDIHMË

 

Unë nuk mund

me ty të flas.

 

Unë nuk di,

si të të mbërrij.

 

Të pëshpëriti apo të bërtas,

si do të më dëgjosh?

 

 

EMRI YT

 

Emri yt-

Një melodi!

 

Nëpër ditët e turbullta

vallëzojë me të,

rrufis.

Zëshëm edhe më zëshëm

me emrin tënd.

 

 

DITËT I NUMËROJNË ORËT

 

Ditët i numërojnë orët për ty-

Unë

Jam larguar shumë ditë prej meje.

Më lejoni bashkë të takohemi

Ju lutem më ndihmoni!

Për te ne, për tek unë-

Ditët i numërojnë orët.

 

 

TË GJITHA

 

Ne i kemi thënë të gjitha.

Për çka duhet të heshtim?

Për të gjitha?

 

 

VETËM TI

 

Dua

Vetëm me ty

Me gjuhën tënde të puthitem?

 

Metaforat rrufisin

si guaskat e zgjedhura.

 

Mendimet e mia çlirohen nga akulli-

Thjeshtë-bashkë në ty

në shtëpi të mbyllem.

 

Lëre veten

në botën e ndjenjës sime;

i fuqishëm dhe i këndshëm

duhet të jesh ti.

Ti je mjaft fisnik

dhe thellë në mua.

 

 

DUKE KËRKUAR NJË SI TI

 

Duke kërkuar një si ti

unë të gjeta ty,

por e humba veten.

 

 

FOTOGRAFIJA JOTE

 

Për çdo mëngjes

shikimi im rrëzohet

në fotografinë tënde,

ndriçon qeshjen time shtegtare;

shpesh kjo qeshje

në ditët e vetmuara-

Pyet fotografinë tënde!Pyet!

 

 

MALLI

 

Çka është malli?

A është malli

diçka patologjike?

 

A është malli

i shërueshëm?

 

A ka ndonjë qendër mjekësore

për shërimin

e mallit?

 

 

FATI ËSHTË ARRATISUR

 

Fati të ka puthur ty,

Buzëqesh-mos qaj,

nëse ai heshtas

të ka fluturuar.

 

 

KUPTIM NDJENJE

 

Derisa njeriu me njëri-tjetrin bisedon,

 

mund gjithashtu

që njëri me tjetrin

edhe të hesht.

 

 

ARROGANTI

 

Neve nuk na duhet

sigurimi

për dashurinë tonë

Ne kemi dëshmi veten.

 Perktheu nga gjermanishtja Remzi Salihu