Vahit Nasufi: Këngë për Tahir Drenicën

Vahit Nasufi

KËNGË PËR TAHIR DRENICËN

Një sharki e vjetër shumë -

Për gjithmonë ka ra në gjumë!

Kurrë prej gjumi s`do të zgjohet,

Kjo sharki më s`do t`akordohet!

Kurrë rapsodi se merr në dorë,

Që nga data njëzetë e dy qershorë,

Të vitit dymijë e Trembëdhjetë -

Kur mjeshtri i saj ndërroi jetë!

Tahir Drenica kur ndërroi jetë -

Lajm i hidhur me të vërtetë,

I rrallë ishte si këngëtar,

Ishte gojëmbël dhe atëdhetar.

Lindi në Drenicën Kreshnike -

Në një familje patriotike!

Me një numër t`madh anëtarësh,

Ishte si çerdhe këngëtarësh!

Tahir Drenica ai këngëtar -

Na la këngë plot një thesar,

Më shumë t`melosit burimorë,

Që i ka shkruar vetë me dorë.

Na la pllaka dhe kaseta -

Që do t`mbeten sa t`jetë jeta!

Kënga e tij sa herë t`dëgjohet -

Aq herë Baca do t`na kujtohet!

Këndoi bashkë me Kadishanin,

Riza Bllacën, Sefë Mleqanin,

Me Shaban Baksin me Halilin,

Demir Krasniqin dhe Qamilin,

Këndoi n`duet me Hashim Shalën -

Jetën këngës ia falën!

Qanë Hashimi me lotë ndër sy -

Njërin krah, thotë - ma ke thy!

N`festivale, dasma e koncerte,

Përherë i gatshëm pjesë t`merrte,

Kudo ishte i admiruar -

Me mirënjohje i dekoruar!...

Brusti i Kastriotit kur u promovua,

Tahir Drenica atje ka këndua,

Mirë sharkisë ia dridhte telin -

N`këmbë e ngriti krejt Brukselin!

Në Danimarkë kur këndoi -

Gjithë danezët i befasoi!

Birta Traore e studioi -

Me këngët e tij doktoroi!

Si rapsod dhe jetën private -

I lexuanë shumë referate!...

T`qoftë i lehtë dheu, o i madhi shahir,

Pusho i qetë o Baca Tahir!

Zëri yt dhe kënga jote -

Do t`jetë pjesë e kësajë bote!

Me shumë ëndje do t`dëgjohet,

Tahir Drenica kurrë s`harrohet!

Me germa t`arta mbi pllakë t`vorrit,

Këtu pushonë legjenda e folklorit!

Shkruanë n`pllakën përkujtimore,

Në zemrat tona - i gjallë je prore!