Kulturë
Demir Krasniqi: Burimet e zhurmës publike
E hene, 14.07.2014, 06:23 PM
BURIMET E ZHURMËS PUBLIKE
Ka shumë muaj , ka shumë vjet –
Kurrë rehat s’ kem mujtë me fjetë !
N’ tana anët zhurmë e piskamë ,
Shkon qyteti hallakamë !...
N’ trojet tona është bërë traditë –
Fëmijët tanë n’ zhurma me u rritë !
Pranverë , dimër , verë e vjeshtë –
Ditë e natë t’ shurdhohen veshtë !
Ditë e natë err e terr –
Qielli mbushë helikopter !
Zhurmë e madhe për hava –
Tue na këqyrë çka jem tue ba ?!
Jehojnë zërat prej minareve –
Nga ezanët e hoxhallarëve !
Thërrasin njerëzit kurrë pa u ndalë –
A po vini n’ xhami me u falë ?!
Në xhaminë atje te reka –
Thërret temxhitin mulla Keka :
“Ka ndërrua jetë ai mixha Bekë –
Do t’ varroset sot në drekë !”
N’ xhaminë tjetër kah perëndimi –
Thërret temxhit myezin Selimi :
“Ka ndërrua jetë halla Dudi –
Do t’ varroset me iqindi !”
Anë e mbanë rrugëve t’ çarshisë –
Bien alarmet e policisë !
Policia ikin prej tutet –
Mos po i shohin ndokund hajdutet ?!
Bien alarmet hiq pa ndalë –
Nga zjarrfikësit që shkojnë ty u tallë !
Tanë tue ikë nëpër mëhallë –
Mos ndo ‘i zjarr ndokund është kallë ?!
Bien alarmet e Ndihmës s’ Shpejtë –
Nëpër rrugë poshtë e përpjetë !
Tanë tue ikë prej t’ sëmurëve t’ shkretë –
Mos po mbërrijnë pa ndërrua jetë ?!
Bien sirenat e dasmaxhive –
Nëpër dasma t’ synetive !
Nëpër rrugë i zen sabahu –
Mos po i zen ndokund xherahu ?!
Mbushet pare surlaxhia –
Gjithë natën nuk shkon te shpija !
Bum , bum , bum , po banë tupani –
N’ kamë janë çua krejt Gjilani !
Kërcen mbi kerre Sharllatani –
S’ pushojnë krismat e revolverit –
Mos po ikë nusja prej kerrit ?!
S’ ndalen kurrë krismat e pushkës –
Mos po ikë dhëndri prej nuses ?!
Gjithë prej gëzimit e haresë –
Ulërima ditë e nat’ –
Nuk mund t’ bëjmë kurrë gjumë rehat !
Gjilan, më 13. 07 . 2014. Demir KRASNIQI