Nebi Dragoti: Grerëza në haik

NEBI DRAGOTI

GRERËZA NË HAIK

Edhe janë ,edhe s’janë

politikanët (…)

O rrufjanë,o sharlatanë!

***

O janë ,o s’janë

të droguar në parlament

zevzekët parlamentarë.

***

Liliputë shejtan,

rriqëra,të çartur

i vërsulen gjuhës standart…

***

Përbaltjen mbi tjetrin

e teprove si tepër

sa t’u përplas në surrat…

***

Kujdese për thonjtë e rritur…

Bukuroshe,për t’u kruar vetë,

a për t’na gërricur?!

***

Zyrave rriten  burrokratë:

halexhinjtë për hallzgjidhje

ikin për të ardhur prapë…

***

Në parlament si gjel

shitet opozitar orator:

pëllet mendime shterp…

***

I tha gomari pulishtit:

-Kujtova se je rritur,

…paske mbetur kërriç!

***

Ta dinte politikani

ku ka dardha bishtin,

nuk çirrej megafon i prishur.

***

Politikën e djallëzuar

fute në fokus!

Jep foto flurudhë…