Dibran Demaku: Emri yt

Dibran Demaku

EMRI YT

(Azem Shkrelit)

Po ikin stinët miku im po ikin vitet

Emri yt rrugëton krenar e hyn tek mitet

Metaforen poetike e nxore nga zemra e dheut

Në netët shekullore dritësove shtigjet e atdheut

Vargu yt i ngjizur thellë në damar gjaku

Të mos humbet emri të mos shkelet pragu

Ty të deshi muza më shumë se çdo tjetër

Të dhuroi fjalën nga palcë e gurit të vjetër

Fatlum kush të njohu e të pati mik or burrë

përtypëm shumë kashtë e byk për dy kokrra grurë*

Ne të pafajshmit e fajshëm ne të vdekurit e gjallë

Në madhështinë tone të vogël të kujtojmë shumë rrallë

Po ikin stinët poeti im po ikin vitet

Emri yt rrugëton krenar e hyn tek mitet…

*Thënie e poetit Azem Shkreli