Xhevdet Ukalli: Përshëndetje për atë sofër

Xhevdet Ukalli

PËRSHËNDETJE PËR ATË SOFËR

(Për Mbrëmjen Kërçovare  në Chicago  Maj 2014)

Për  ju, të gjithë, të mbledhur në atë sofër

Të fala nga djepat , të fala nga  varret

Dhe kurrë mos harroni, që keni një votër

Që digjet, edhe kur, nuk i duken flakët

Të fala nga malet që i gërryen malli

Të fala nga fushat që bëhen djerrina

Të fala nga rrugët, nga lumi nga zalli

Nga krojet e gurrat, nga bari në lëndina

Të fala nga sofra, saçi e çerepi

Nga magjja e vjetër, nga hambari të fala

Nga Lisi i Madh,  nga rrapi e plepi

Nga  Çelojca,Ujmiri, të fala ga Dardha

Të fala, dhe fëmijëve t’ua  hapni zemrat

Për  dhimbjet  në shpirt, për mallin në sy

Për  vendin , ku vazhdoni t’i shihni  ëndërrat

Edhe pse, qëmoti,gjumë  s’bëni  aty

Të fala nga  Markulia, Çuka e Kalaja

Nga qyteti  ynë, kjo Uskanë e lashtë

Paçi  gjithmonë shëndet e ju priftë e mbara

Respekt e paqe, Zoti  i Madh u dhashtë!

Të fala nga qielli, që s’është si të tjerët

Ku  ajri ka aromë dhe uji  tjetër  shije

Ku ndryshe janë dimrat, ndryshe pranverat

Në atdheun tonë,në këtë dhe  shqiptarie!

Në Kërçovë  02.05.2014