Xhevahir Cirongu: Atje, ku libri merr frymarrje

Atje, ku libri merr frymarrje nga kaltëristë adriatikase

( Me rastin e 6 vjetrit të Shpalljes së Pavarsisë së Kosovës)

Nga Xhevahir Cirongu

Ishte  një ditë e bukur,  ajo e datës 15 shkurtit 2014, ku buzëqeshjen edhe më të ngrohtë  qytetit bregdetar të Durrësit, ia dha edhe aktiviteti që u organizua nga Klubi i Shkrimtarëve e Artistëve  në bashkëpunim me Bibliotekën Publike të po këtij qyteti. Tashmë, është bërë një traditë e përhershme që instuticioni shtetëror, siç është tempulli i arkivimit të dijes biblioteka e qytetit dhe Klubit të Shkrimtarëve e Artistëve, në bashkëpunim organizojnë aktivitete të ndryshme e sidomos promovime të librave të autorëve durrësak e të tjerë që operojnë me këtë inctitucion që mbart vlerat e historisë e të kulturës së qytetit bregdetar dhe mbarëkombëtare.

Një nga sallat e Pallatit të Kulturës ‘’A. Moisiu’’ që mban emrin e aktorit ‘’Nikolin Xhoja’’ kishte në gjirin e vet të ftuar shkrimtarë, poet ,këngëtarë, historianë, por edhe të afërm e shokë të ardhur  nga Elbasani. etj , që i dhanë gjallëri  edhe më shumë evenimentit të aktivitetit kushtuar  prezantimit dhe promovimit të katër vëllimëve  të librave me autor Myftar Gjonbalaj. Ekspozeja e paraqitur në sfondin ballor të sallës, fliste shumë me reklamën  e saj që u kishte bërë shtypshkronja e shtëpia botuese ‘’Milenium i Ri’’ librave të autorit,  për nga cilësa dhe  artin grafik të tye.  Në emër të Klubit të Shkrimtarëve e Artistëve, pjesëmarrësit e aktivitetit i  përshëndeti kryetari i klubit z. Nikolla Spathari. Pjesëmarrësi, në emër të bibliotekës publike  i përshëndeti zonj. Spatha.

Kush është Myftar Gjonbalaj?

Autori M. Gjonbalaj ka lindur në Vuthaj të të komunës Plavë- Guci më 12.12. 1946, në një  famijlje me tradita të shëndosha atdhetare e patriotike. Ka mbaruar studimet e larta dhe është diplomuar në degën gjuhë- letërsi shqipe në Universitetin e Tiranës më 1971. Ka kryerë studimet pasuniversitare për degën gjuhë-letërsi shqipe, për emergjencat civile dhe drejtimin e shkollës. Ka punuar si mësues dhe drejtues shkolle në Berat dhe Durrës për 45 vjet.Së fundi ka qënë drejtor i shkollës së mesme ‘’Naim Frashëri’’ në Durrës Eshtë kryetar i shoqatës A.P. ‘’Kosova’’ që nga viti 1993 e deri më sot, dega Durrës. Ai ka shkruar edhe artikuj të ndryshëm publicistik në organe të ndryshme .

Botime të autorit:

‘’Odisea e një rrugëtimi’’, roman -2013

‘’Kosovë, o kreshnikja në flamur’’ -2013

‘’Pubkicistikë, tregime, poema, poezi, anektoda’’

‘’Endrra e shqiptarëve’’, poemë e poezi-2013.

Fjala e moderatores Habi Hoxha, e cila është edhe anëtare e Klubit të Shkrimtarëve e të Artstëve të qytetit, ngriti peshë sallën dhe u duartrokit  fuqishëm  nga pjesëmarrëst, kur tha se autori M. Gjonbalaj në radhë të parë është një atdhetar i flaktë, prind i mirë, dhe edukator shëmbullor  që ka mësuar e nxjerrë breza të tërë nxënëssh që sot janë bërë  kuadro të aftë në shërbim të atdheut.

Vladimir Muça mbajti fjalën kryesore dhe referoj rreth krijimtarisë të autorit M . Gjonbalaj. Për prozën e shkurtër foli z. Kadri Tarelli, i cili vuri në dukje vlerat cilësore dhe edukative që mbartin tregimet e autorit M. Gjonbalaj ,mesazhet që përcjellin ato te lexuesi ynë, fryma patriotike. Si shembull ai solli tregimin’’Dëshmori i lirisë’’ që edhe libri hapet me këtë tregim qysh në faqen e parë të prezantimit të librit. Kurse për poezinë foli poeti Vaso Papaj, që i cili kishte shkëputur fragmente analize  nga poezitë ‘’Endrra shqiptare’’,,por ai u ndal edhe te bukuritë e natyrës, e sidomos te bjeshkët tona që janë aq të bukura e tërheqëse  për vizitorin vendas edhe të huaj.

Në këtë eveniment kulturor tërheqëse ishte edhe fjala e Gjergji Junçaj i cili kishte ardhur nga qyteti i Elbasanit në aktivitetin e librit të organizuar në qytetin e durrësit. Fjala e Gjergjit dhe e Gjokut, përloti jo vetëm autorin e librave z. Myftar Gjonbalaj, por edhe gjithë pjesëmarrësit e pranishëm në odaonin e sallës’’ N. Xhoja’’. Kujtime të bukura dhe vlerat që kanë librat e botuara të autorit M. Gj.,- solli para të pranishmëve edhe mësuesi e poeti Hasan Shahini e Daut Hoxha.

Poeti Agim Bajrami e Habi Hoxha recituan me plotë ëmbëlsi e aromë  lule  mimoza, vargje poezish nga librat e M.Gjonbalaj.

Për pjesëmarrësit u shtrua edhe një koktej në resorant ‘’Lido’’, dhe  mes trokitjeve të gotave të verës, iu uruan autorit M. Gjonbalaj shëndet e suksese me botime të reja e cilësore.