Kulturë
Adem Zaplluzha: Fiku
E shtune, 22.03.2014, 06:32 PM
Adem Zaplluzha
Nga libri “Stoli në parkun e vjetër”
FIKU
Edhe kur e mundonte vapa
Ai çapitej
Nëpër papastërtinë e trotuareve
Një nostalgji e vjetër
I digjej në shpirt
Disa herë në ditë
E shikonte yllin e vet
Dhe e kthente kokën mbrapa
Mos rastësisht i dalin parasysh
Letrat e dashurisë
Shkonte deri te stoli i vjetër
I lypte fjalët e lënë peng gjetheve
Askush panë hijes
Vetëm miku i vjetër kërraba
Për çdo rast
I gjendet afër duarve
Ah po të kisha edhe një jetë
Do mbillja në kujtesë time
Një fik me shijen e atdheut
Që rrënjët e shpresës
T’i mëkoj
Njerëzit e lënë pas dore
GJOLI
Një pëllumb një ditë
E ndali fluturimin
Dhe si zgalem
U lëshua mbi stol
Në sytë e plakut
E lexonte dëshpërimin
Kurse vjetët e kafshuara
Pa mëshirë mbyteshin në gjol
TË LUTEM
Të lutem
Mos m’i ngacmo ditët
Lëri le të fshihen nën plafin e fjalëve
Jam lodhur së tepërmi
Duke i numëruar dhembjet
Këtë stol
E kam mik për shpirti
Të mirat dhe të këqijat
I kemi ndarë së bashku
Kur bie breshër
Me pështymë ja shërojë plagët
E kur e rreh dielli
E mbuloj me lëkurën time
Kështu mbrojmë
Njëri tjetrin
Unë ja shëroj vragat
Kurse ai më mbanë si foshnjën
Në prehrin e ti
Të lutem
Mos i prek me gisht gjymtyrët
Kjo natë unë dhe stoli
Nëpër të njëjtën dhembje
SI LOPATAT E THYERA
S’ka dyshim
Edhe këto vargje
I përngjajnë njëra tjetrës
Si njerëzit në këtë bllok
Me këmisha të arnuara
Janë me
Me një ndryshim të vogël
Dikush ulet mbi gjethet e njoma
E dikë tjetër
Stoli i mbanë në prehër
Herë i lajnë sytë
Me vesën e mëngjesit
E herë me lotët e hidhur
Kur qanë dita
Pas përcjelljes së mikut të vjetër
Në brendinë e dhomave
Asnjëherë nuk ndryshojnë kornizat
Në më këtu nuk i përngjajmë vetvetes
E as përhitjes që fshihet
Në xhepat e erës
Duart tona llamburitin
Si lopatat e thyera
Nëpër dallgët e detit të mllefosur
ujana na i ngufat ëndrrat
Kur vetmia e mbytë zhgjëndrrën