Vahit Nasufi: Bilbilit të Kosovës

Vahit Nasufi

 

BILBILIT  TË  KOSOVËS

 

Moj Kosovë, sa e bukur je,

Gjuhë amëtare shqipen e ke,

Ke Flamurin Kuq e Zi,

Je si nuse me shumë stoli.

 

Je lulishte me trëndafila,

Je kafaz me shumë bilbila,

Anë e mbanë kah fluturojnë,

Natë e ditë për ty këndojnë.

 

Në Pagarushë t`Malishevës kosovare,

Lindi ëmblema e këngës shqiptare,

Nexhmije Pagarusha - artiste e merituar,

Bilbili i Kosovës, populli e ka emëruar!

 

Nisi këngën në moshë të re,

Këngë të bukura këndoi për ne,

Dhe kur lodhej me punë shumë,

Për këngë të reja rrinte pa gjumë.

 

Kënga e saj na e shuan mallin,

Se si baresha e dridhte malin!

Hit i saj padyshim fare -

"Ani mori nuse ani qafëgastare"!

 

Jetën, këngës ja kushtoi,

Bota shqiptare shumë e dëgjoi!

Të lumtë goja - i thoshin dadës,

Moj artistja e estradës!

 

Këndoi shumë dhe në mërgatë,

Duartrokitjet i kishte dhuratë!

Që të kënaqej diaspora,

Mikrofonin se lëshoi nga dora!

 

Me këngëtarët që ka bashkëpunuar,

Nexhi, shumë u ka ndihmuar!

Pa ty, estradës nuk i kishte hije -

Nuk lind nëna, tjetër Nexhmije!

 

Një nga një vitet kaluan -

Dhe Nexhmijen në pleqëri e pruan!

Tash në shtëpi rri e pushon,

Këngët e veta i dëgjon!

 

Shpesh për qejf këngës ja thotë,

Sytë prej mallit i mbushen lot,

I mbesin këngët pa mbaruar,

Ah, Nexhmije - thotë je vjetruar!

 

Në pleqëri rri e mendoj,

Të kaluarën shpesh e kujtoj!...

Këngët e mia nuk do t`lejojnë,

Adhuruesit e mi, të më harrojnë!

 

Fjalë të mira shumë na the -

Se do t`jesh gjithmonë me ne!

Kur t`rrafshohet mali si fusha -

Do t`harrohet Nexhmije Pagarusha!

 

Nëpër disqet e gramafonit,

Nëpër valët e radio - stacionit,

Kënga e saj sa herë t`këndohet -

Dada Nexhë do t`na kujtohet.

 

Këtë poemë që ja kushtova,

Një përshëndetje nga Kërçova!

Nga Kërçova heroike,

Për ikonën e këngës shqipe.