Demir Krasniqi: Lotët e Tokës

Demir KRASNIQI

LOTËT E TOKËS

Edhe Toka qanë me lot –

Kur s’ ka kush që t’i del Zot !

Lotët e Tokës rrjedhin si  gurra  –

Kur  ajo mbetet pa burra  !

Lotët e Tokës bëhen shi –

Kur s’i ka  bijtë  në gji !

Lotët e Tokës bëhen borë –

Kur  të mbetet pa banorë !

Lotët e Tokës rrjedhin nga mali –

Kur asaj  s’i  del Zot, djali !

Lotët e Tokës  vërshojnë  fushën –

Kur të birit  s’ia sheh nusen !

Lotët e Tokës rrjedhin ujëvarë –

Kur nga malli digjet zjarr !

Lotët e Tokës bëjnë vërshime –

Kur në zemër  vlojnë  pikëllime !

Lotët  e  Tokës  bëjnë   tërmetin –

Kur  të bijtë  s’ ia dinë kimetin !

Lotët e Tokës  bëjnë   mënerën –

Kur të bijtë nuk ia dinë vlerën !

Lotët e Tokës ulin lendinën –

Kur të bijtë ia  kthejnë shpinën !

Lotët e Tokës mbushin liqenin –

Kur të bijtë e  lëshojnë venin !

Lotët e Tokës shpërthejnë vullkanin –

Kur të bijtë e lëshojnë vatanin !

Lotët e Tokës e mbushin detin –

Kur të bijtë marrin kurbetin !

Gjilan, më 12.03.2014.