Nue Oroshi: Kombi thërret intelektualët!

KOMBI DHE SHTETI THËRRET INTELEKTUALËT!

Nga Mr.sc. Nue Oroshi

-Kur Intelektuali përballet me politikën vendet, shtetet apo qytetet në të kaluarën por edhe sot identifikohen shpeshherë me heronjët, politikanët, intelektualët apo edhe shkrimtarët që shquhen dhe bëjnë emër në botën e artit, politikës, shkencës, duke ju lën breznis, idenë e shkruar dhe rrugën e trazuar që duhet ndjekur në të ardhmën. Edhe qyteti i Klinës me rrethinë, që sot ka 37.000 banorë, historikisht ka pasur dhe ka heronjët, politikanët, shkrimtarët që në këtë qytet janë shquar dhe kanë bërë emër në botën e artit, politikës e shkencës, dhe tanimë vepra e tyre është bërë udhrrëfyes për brezat e ardhshëm.

E sot Klina është një qytet që e ka një Ikonë brënda saj. Pra, është fjala për shkrimtarin, atdhetarin dhe politikanin Prend Buzhala. Prend Buzhala është shkrimtari atdhetar, i cili për bindjet e veta kombëtare ishte i burgosur, i përjashtuar nga puna arsimore, i rrahur dhe maltretuar nga policia kriminale serbe, i anatemuar, por asnjëherë dhe në asnjë moment nuk hoqi dorë nga dy gjëra të shenjta. E para, mbrojtjen e identitetit kombëtar shqiptar në momentet më të vështira të egzistencës tonë kombëtare, si dhe, asnjëherë nuk e nda nga rruga e shkrimtarit idealist dhe atdhetar, duke shkruar vepra të shumta, që, në të ardhmën do ti shërbejnë kombit dhë popullit shqiptar si udhërrefyes, apo si rrugë orientuse drejtë identitetit kombëtar dhe orientimit të këtij identiteti në rrugën e pashmangshme në atë Evropiane. Dhe, kur vendi apo qyteti ku je rritë, burrnuar dhe të ka përgaditë që t’i gjindesh në ditët kur ai ka nevojë, atëherë ia vlenë që të bëhet edhe një sakrificë tjetër, ajo politike, që në këtë mënyrë të keshë mundësi që aftësitë, idetë e projektet konkrete ti realizosh ne vepër dhe kjo mundë të bëhet vetëm me hyrje direkte në politikë. Prandaj edhe shkrimtari, intelektuali e patrioti Prend Buzhala bëri një sakrificë të radhës, duke pranuar ofertën e PSHDK-ës për kryetar të Komunës së Klinës. Në kuadër të përcjelljes së fushatave zgjedhore nëpër komuna, pata rastin që ta përcjelli një debat të drejpërdrejtë të kandidatëve të mundshëm për kryetar komune në qytetin e Klinës. Ishin të gjithë kandidatët, që në një mënyrë apo tjetër, kishin dhënë një kontribut për qytetin e Klinës. Por, ajo që vërehej qart, ishte fakti, që për dallim nga të tjerët Prend Buzhala kishte projekte konkrete, se si duhet zgjidhur kriza ekonomike në Komunën e Klinës, permes punësimit, si duhet të ndalet mjerimi, por edhe rruga e mallkuar e gyrbetit. Ajo që binte në sy në këtë debat, ishin gabimetë e shumta të ish kryetarit të Klinës dhe kandidatit edhe për një mandat Sokol Bashota, i cili nga shumë lëshime që kishte bërë gjatë qeverisjes së tij, ishin edhe korrupsioni, vendime të paligjshme dhe shumë gjëra të tjera që u cekën nga kundërkandidatët e tij, me plotë të drejtë. Por. një gjë e cila nuk u cek në atë debat, dhe, që tani ka marrë një jehonë jo vetëm në Kosovë por edhe në permasa ndërkombtare, është gabimi fatal i Sokol Bashotës në heqjen e bustit të shenjëterës së madhe shqiptare Nënë Terezes -Gongje Bojagjiut nga Sheshi i Klinës, dhe vendosjen në një vend fare të parëndësishëm. -Heqjen e përmendorës së vajzës së atdhetarit Kolë Bojagjiu, i cili kishte ndihmuar shumë atdhetarë shqiptarë në shpalljen e pavarësisë së Shqipërisë, e sidomos ka ndihmuar luftëtarët shqiptarë në marrjen e Shkupit, dhe, i cili ishte helmuar nga shërbimet e fshehta serbe. Pra, derisa tërë bota demokratike përkulet para veprës së Nënë Terezës, Sokol Bashota arrinë që të luaj me këtë figurë të madhe te humanizmit botëror, vetëm për të përfituar një grusht vota nga qarqe ekstreme të Klinës. Dhe derisa shkruaj këta rreshta, në mendje më rrinë vargjet e një poeti shqiptar i cili shkruan, "...Unë që as zjarrit nuk i përkulëm, para teje në dy gjunjë ulem". Ky është gabimi më i madh i ish kryetarit të Klinës, dhe për këtë gabim fatal, qytetarët e Klinës me rrethinë, pa dallim qyteti apo fshati, gjinije apo feje, duhet që me votën e tyre t’i tregojnë Sokol Bashotës se ky vendim është vendim që nuk mundet me na përça, por ne e dojmë një kryetar komune që na bashkon. Veprim e jo fjalë, bashkim e jo përçamje na thoshte dikurë i madhi Hasan Prishtina.

Në këtë debat nuk u la pa u përmendur edhe dy iniciativa qytetare, të themeluara kohë më parë në qytetin e Klinës nga Ndue Shabanaj dhe Haxhi Ibishi. Pavariësisht, që këto dy iniciativa munden të kenë të drejtë në shumë gjëra të tyre, një që bije në sy dhe që e hudhë poshtë komplet themelimin e tyre si të panevojshme politikisht, ishte përkrahja publike që këto dy Iniciativa i kanë bërë kryetarit të Komunës së Klinës Sokol Bashota. Në këtë rast, si një politikan me përvojë të gjatë dëshiroj të njoftoj opinionin e gjër në Klinë e rrethinë, por edhe dy themeluesit e këtyre dy iniciativave qytetare, se në asnjë vend të botës nuk themelohen Iniciativat qytetare për të përkrahur pushtetin, që qeverisë, qoft në nivel shtetëror apo në nivel komunal, sepse nëse themeluesit e këtyre dy iniciativave qytetare pajtohen plotësisht me qeverisjen aktuale ata nuk kanë pasë nevojë që të themelojnë këto dy inicativa, por në mënyrë shumë të qetë dhe të kulturuar ata është dashtë t’i marrin librezat e PDK-ës në Klinë, dhe mos ta vazhdojnë punën ndaras partisë që i takojnë. Sepse, në gjithë botën e qytetëruar iniciativat qytetare themelohen si rezultat i pakënaqësive me qeverisjen, qoft në nivel komunal apo në nivel shtetëror, për të ndryshuar keqeverisjen, korrupsionin dhe gjëra të tjera. Prendë Buzhala si kryetarë i Komunës së Klinës do të  ket përkahje të madhe nga Komunatë e Gjermanis përmes CDU e cila udhëheq në shum komuna të Gjermanis, dhe do të punojm edhe në binjakëzimin e Komunës së Klinës me Komunat në Gjermani ku do të përfitohet si në aspektin ekonomik po edhe në atë politik.  Për fund, i bëj një thirrje publike qytetarve të Klinës me rrethinë, që, të shfrytzojnë shansin e tyre, pa dallim partie, ta votojnë masovikisht intelektualin, atdhetarin dhe shkrimtarin Prend Buzhala për kryetar të Komunës së Klinës. E, nëse vije deri tek balotazhi, të bëhet një Koalicion në mes LDK-ës, PSHDK-ës dhe AAK-ës, në Klinë, kështuqë, se, cilido nga kandidatët që do ta fiton balotazhin nga këto tri parti, të përkahet nga po këto parti, në mënyrë që edhe Klina të bëj ndryshimin e madh sikurse e gjithë Kosova.