Kulturë
Armela Hysi: Dëshira e ditëlindjes
E merkure, 18.09.2013, 06:49 PM
Armela Hysi
Një urim poetik për motrën time Geniserdën në 20 vjetorin e lindjes dhe për të gjithë shqiptarët jashtë atdheut që kalojnë festa e ditë të veçanta larg të afërmve të tyre të dashur.
Dëshira e ditëlindjes
( Genisit )
Gëzuar ditëlindjen motërz
Ta them nga telefoni...
Kohët moderrne
Na ndërlidhin kaq lehtë
Nga kontinenti në kontinent,
Duke na ndarë përjetë nga vetja.
Të paçim, motërz!
Unë e vëllai të puthim fort nga larg.
Tek shkëlqimi i lëngët në sytë e babait
Si në teatër hijesh
Shfaqet dhimbja,
Për ëmbëlsirën qirifikur
Sërisht pangrënë
Për dëshirën që nder krahët si flutur
“Ah të jemi
Së shpejti pranë!”
18 shtator 2001
do të kisha ardhur më herët
rrugët qenë kaq të bllokuara nga bora.
sikur i ngrysur qe mëngjesi
dhe njerzit
njerzit ishin ngritur të gjithë të çuditëshëm
mu desh të ndihmoja nja dy syresh
madje një tetoje desh i ra të fikët.
semaforët as që jeshiloheshin
sytë e tyre të kuq
më trembnin më tepër
me stopin e tyre kodor absolut.
ti e di që më është tmerr
të thyej rregullat.
nuk mund të vija me duar bosh
rradhat qenë mëllefmbushëse të gjata.
gjymtyrët lidhur nyje i kisha
mendje frenuar nga shtetërrethim të vetkrijuara.
do të kisha ardhur
më herët do të kisha ardhur
po ta kuptoja sa më kishe munguar.
8 shkurt 2013
nga libri “Ujdhesës së përrallës tënde”
Armela Hysi – Milosao 2013
në heshtjen e ninullës
grilat e mia kanë 48 të ndara
në secilën nga 4 kanatat gri
dielli në to ndriçon i përthyer
si ndriçuesit skenik
kurse gjethet
ndoshta kjo do të të duket interesante
coha e perdeve ka 297 gjethe vishnje
si gjuhë jargamane të varura
dhe 162 kërcenjë të artë.
kur s'kam gjumë
vështroj buzët e tua të hapura lehtë
krahët në pritje të përqafimit
frymëmarrja jote shoqëron ankthin tim
sikur kthehem nga ndonjë botë tjetër.
kur s'kam gjumë
më duket se të dua më tepër.
maj 2009
nga libri “Ujdhesës së përrallës tënde”
Armela Hysi – Milosao 2013
Facebook
Twitter
Google+
Digg
Komentoni
Artikuj te tjere
Demir Krasniqi: Si të ruhen traditat e dasmës
Hazir Mehmeti: Në shijim të atdheut
Ramiz Dërmaku: Ylli i natës bukureshtare
Hyqmet Hasko: Isuf Hoxha - “Frymë pranvere''
Adem Zaplluzha: Mëkati i Hijes
Thani Naqo: Më mjaftojnë dy guriçka
Elvi Sidheri: Telenovelat “3”!
Drita Lushi: Kur fjala peshon më shumë se guri
Kujtim Mateli: Mazhani me famë në histori
Ksenofon Dilo: Shpresa e shqiptarit
Poezi nga Shahin Ibrahimi
Murat Gecaj: Kujtime të pashlyera
Adem Zaplluzha: Një zog prej uji
Ismet Azizi: A është i vdekur Aqif Blyta
Ramiz Lushaj: Qytetërimi i bjeshkëve të mia
Ilir Muharremi: Drama vendore larg asaj botërore!
Ilir Muharremi: Kosova Sot mes guximit dhe arsyes
Resmi Osmani: Leka i Madh dhe gratë
Hyqmet Hasko: Tone të forta liriko-dramatike
Luan Kalana: Universi dhe njeriu
Gallery
Karnavalet Ilire në Bozovcë dhe Tetovë - 2025
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
