Poezi nga Musa Jupolli

Musa Jupolli

 

 (Vallëzimet e Qershorit)

 

 R I N I -së !

 

 E tashme e ardhshme ,

 buzëqeshje në takim

 nën hijen e Qershisë

 historia e dashurisë ,

 rrezet e Diellit me ngjyra

 në përkdhelje të Rinisë !

 Më thanë :

 Diku tjetër një Rini të tillë

 parë nuk e kem !

 Rinia shqiptare

 Diell që rikthehet ,

 vitaminë që pëlcet

 dhe sheron zemër !

 Shikojeni !

 Atë bukuri bel- hollë

 që shpërthen në çdo sy ,

 që të mbërthen si shtojzovallë

 fluturimthi në Parajsë të dërgon !

 Aromë !

 Linjat e syrit

 Bukuri që nuk spjegohet ,

 kënd-vështrim Homerian ,

 si rrushi me prejardhje pellazge

 ku zë vend e zemër

 folja shqiptare !

 Mora penën

 Mora brushën

 Tha shkrimtari

 Tha piktori ,

 në çdo varg

 deri në përjetësim

 në betim

 të kësaj Rinie

 t' Hyjnishme

 u betua Poeti !

 Ju lutem :

 Hapni rrugë

 Rinisë

 Për t' ardhmën e Shqipërisë !

 

Qershor, 2013, Paris

 

 

E M N E S Ë

 

 Nënë elegante n' Apostrof

 N' kujtesë t' emërorës nënë e engjëll

 dy zemra dy shpirtëra një lindje

 rrumbullaksim estetika n' plotsim

 magjepse ekspresive n' pikturë

 madhështi nga natyrë e krijuar

 s' ka laps as makinë shkrimi

 as mendje njeriu që t' shprehet

 as n' letër me germa të shkruhet

 nuk ka filozofi as pikësim

 n' veprën Hyjnore n' lindje t' nënës

 Nëna errësirën e shëndrron n' dritë

 ideale shend e verë t' ardhmërisë

 Tokë e Qiell Hënë e Diell

 n' shprehje n' sy melodi poetike

 Elegante n' Apostrof nëna n' lindje

 s' ka interpretim s' ka përkthim

 nuk ka gjuhë art a teknikë s' ka

 që mund ta formulojë krijesën e

                                            t' folmës

 

 

 L I N D J E

 

 At' Dhé Gjergj Fishta !

 

 Tokë hap thesarine e Fishtës

 ta gjejmë gjuhën e bukur të shqipes !

 Gjergj !

 Ky emër I Madh !

 Pastaj Gjergj Fishta ,

 Ky emër i tridhjetegjashtë shkronjave

 Të shkrira në Biblen Shqiptare !

“Lahuta e Malcis”

Këtë Lahutë... babai im

 E mbolli në kopshtin e shtëpisë ,

 Lexohej natën

 N' fusha e n' male recitohej,

 Shqipërinë Lahuta ... kërkonte !

 At Gjergj Fishta Atdhé thërriste !

 *

 Zadrime e nderuar ,

 N' Histori e pa harruar ,

 Yt bir shpirt lirie

 Shkodra jo rastësisht

 Fotografi Kombëtare

 Në zemër mban Fishtën tonë !

“E Popullit “!

Tha At Fishta !

 Mori e lexoj ,

 E Këndoi :

“Gjuha shqype”

 “Me gjuhë t' veten rrnoft Shqynia”

Zgjohu me këtë zë të bukur populli im !

 

31/05/2013, Paris