Armela Hysi: E vyer si lutja

Në përshëndetje të ardhjes së aktores së madhe shqiptare në Athinë

Armela Hysi

e vyer si lutja

Artistes së Popullit Margarita Xhepa

shqisat tona mbërthyer me etje pagane vorbulluese

kohës së ndalur

ballit të fildisht që lëmoi Pigmalea

feksjes së plogësht të skenës Afërdita dhuron gjallnim.*

Teatri dashuron oshtimën drithëronjëse

nga kurmi i bardhë i Galateas që ngjallet çdo ditë nga fillimi.

minimalizëm thith objektet që mbufatin egërsinë tonë

si peripecia e errët e vdekjes – duartrokitje parfulluese

kith ndjenjash e përkulje e thellë respekti.

ca duar mistike që tërheqin buzët të buzëqeshin

fotone hedhin mbi bebëzën e paduruar.

kacavirrju pëshpërimës brenda tëmthave

asgjë s’është më e vyer

se frymëmarrja e flaktë

në trupin si mblatës prej balte të qetë pritjeje.

dhjetor 2010

*sipas Ovidit