Thanas Todhe: Ese për dashurinë

Thanas Todhe, Athinë

NGA  ESE PER DASHURINE

Dy yje

Shëtisin nëpër natë

Dy yje dashuruar

Flakë mori qielli

Ranë përqafuar

Natë romantike

Udhë universi

Duke ndjekur yjet

Zemra  zemrën gjeti

Mos

Mos eja prap' në mbrëmje

Në ëndër të më dehësh

Se ëndra shuhet në mëngjes

E mbetem prarë vetëm

E di ,ti do një tjetër

S'ke shumë për të zgjedhur

Pse më ngacmon ndjenjat

Që kurrë s'ti kam shprehur

Bashkëjetesa

Lulen më t'bukur zgjodha në lëndinë

Ndriti shtëpija...E bukur si ajo

Petalet një nga në këputja çdo ditë

Me rritmin standart--Më do  S'më do

U turra rrugëve si i marrë

O miq e gjeta dashurinë

Tani me lulen do të vë kurorë

Kam ftuar gjithë njerëzinë

Dhe miqësia m'u ndodh pranë

Gëzim që shumë e kishin pritur

Kërkojnë lulen an e mbanë

Në dorë kish mbetur kërcell i vyshkur

Për ty

Dhe murg për ty do të bëhesha

Tek manastiri i Shën Andonit

Po s'më lë djalli që kam brënda

E krye ngre poshtë pantallonit