4 Poezi nga Timo Mërkuri

Timo Mërkuri

Kjo valë deti…

Heshtni pak, ju lutem.

                                 Kjo valë deti

që vjen kokëulur, si një çupëz fajtore

ndoshta,diçka do të na thotë.

…

Një valë erdhi

dhe fshiu me shaminë e bregut

                                              stërkalat si lot.

Ditëpreri.Kush është mbytur sot?.

Vajzat e shtëpive tona

Shtëpitë e vogla, si guacka të hapura në breg

dhe vajzat që dalin prej tyre,

                                         të bukura si Afërdita.

Mos më flisni për dashurinë, se më vjen të qaj

Kur i shoh si treten me shikimin nga deti.

Fustani që nuk u vesh

Ky fustan i bardhë nusërie qepur me ëndëra të rubinta

që mbeti palosur në një kuti kartoni

                                                     si i vrari në arkivol.

O,ky fustan i bardhë nusërie

                                            që po nxihet nga dhimbja

seç na e mbushi shtëpinë me zezonën e tij.