Baki Ymeri: Fehmi Kelmendi - Çështja shqiptare

Doli në dritë libri i Fehmi Kelmendit, Çështja shqiptare në udhëkryq

Nga Baki Ymeri

Libri i profesor Kelmendit (me 150 faqe), e pa këto ditë dritën e botimit në Bukuresht, në kuadrin e redaksisë së revistës Albanezul dhe Editurës Amanda Edit, duke patur për këshilltar editorial Prof. dr. Xhelku Maksutin, ndërsa për autor të  parathënies (Atdhedashuria e një shqiptari me zemër të zjarrtë), autorin e këtij shkrimi. Në kuadrin e përmbajtjes defilojnë subjekte, si: Shqiptarët në udhëkryq, Invazioni Osman dhe manipulimet pansllaviste kundër kombit shqiptar, Pjesëmarrja e shqiptarëve në kryengritjet e popujve fqinjë për çlirimin e vendeve të tyre, Lidhja Shqiptare e Prizrenit (1878-1885), Lëvizja Kombëtare Shqiptare (1902-1912), Shpallja e pavarësisë së Shqipërisë, Lufta e parë botërore dhe mëkatet e Ahmet Zogut, Esat pashë Toptani – gjakpirës i Shqipërisë,  Lidhja  e   Dytë e  Prizrenit (mbajtur më  16-19  shtator  1943),   Okupimi i Jugosllavisë  së  Titos  më  1944-45.

Lidhja e Dytë e Prizrenit, sipas autorit, u  formua  nergut  për  t' i  mbrojtur trevat  shqiptare nga  sulmet  e  partizanëve  të  Titos  dhe  të forcave  çetnike. Pasojnë subjekte tjera, si: Organizata patriotike NDSH, Demokracia, liria dhe pavarësia janë shpirti i kombit, Truri sifilstik i politikanëve serbë, Disa anomali paraqitën edhe ndër ne shqiptarët, Çështja e Kosovës në udhëkryq, Kurë do të kërkojë falje publike Dhelpra e Ballkanit, Bashkimi kombëtar është i domosdoshëm, Maqedonia shqiptare, Shqiptarët edhe më tej në shënjestër të Beogradit, Serbia si fqinje kurrë s’na ka lënë të qetë, Kosova u kurorëzua me pavarësi, Miti serb për Kosovën, Serbia duhet të përgjigjet për krimet e luftës, Lidhja Demokratike e Kosovës, Meritat e Rugovës dhe karikaturat e Kosovës, Si mund të zgjidhet çështja e Kosovës, Serbët janë të njohur si kriminelë, Maqedonët janë formuar komb në mënyrë artificiale, Serbia kërkon brirë, por do të mbetet pa veshë, Padia serbe në GJND, Kisha ortodokse serbe, Kanibalizmi serb kundër kombit shqiptar, Trillime të montuara me karakter politik, Serbia duhet të dënohet në Gjykatën ndërkombëtare për krime lufte, Dik Marti, diplomat kontraverz, Raport tendencioz me prapavijë djallëzore, Pajtimi, uniteti dhe bashkimi kombëtar, Kosova Lindore, Memorandum drejtuar Grupit të Kontaktit në Konferencën e Rambujesë lidhur me zgjidhjen e çëshjes së Kosovës, Fondi humanitar “Zëri i Atdheut” me Hamdi Ajdinin kryetar, Disa promemorie dhe dokumente të skanuara në faqet e fundit.

Etja e shqiptarëve për liri dhe pavarësi nuk u shua kurr

Profesor Fehmi Kelmendi, me profesion historian, është një veprimtar i dalluar i çështjes shqiptare. Rrjedh nga një familje e cila gjithmonë ka bërë sakrifica të panumërta për kauzën kombëtare. Jeta dhe vepra e autorit të kësaj vepre janë të mbrujtura  me kompetencë, nderë dhe karakter. Që nga viti 1991 jeton dhe vepron në Biel/Bien të Zvicrës. Ata që kanë patur fatin ta njohin dhe "Bashkësia Shqiptare në Zvicër" e çmojnë si një veprimtar të palodhshëm dhe si intelektual i kalibrit të lartë që merret me hulumtime nga fusha e historisë, me grumbullimin dhe përpunimin e folklorit shqiptar, me poezi dhe tregime. Shkrimet, komentet dhe analizat politike të zotit Kelmendi kanë ndikuar pozitivisht në evoluimin dhe dinamizmin e mendimit dhe veprimit politik dhe filozofik te shqiptarët, jo vetëm në diasporë. Sipas tij, duke filluar nga Traktati i Shën Stefanit (mars l878), Kongresi i Berlinit (qershor-korrik l878), Konferenca e Londrës (l9l2-l9l3), Konferenca e paqës se Versajës (l9l9-l92O), e deri në Konferencën e Paqës se Parisit (l946), popullit liridashës shqiptar i është bërë padrejtësi e madhe historike.

Dihet se pasojë e vendimeve diplomatike të nivelit europian ishte copëtimi dhe ndarja e Shqipërisë natyrore midis shteteve agresive fqinje ballkanike. Këto shtete shoviniste me forcë dhe me ndihmën nga jashtë grabitën dy të tretat e territorit të atdheut shqiptar.        Këto dhe subjekte të tjera identike, kushtuar kombit shqiptar dikurë dhe në ditët tona, sidomos Kosovës para dhe pas shpalljes së Pavarësisë, janë të inkorporuara në faqet e këtij libri që u shtohet vargut të veprave kushtuar historiografisë sonë. Kemi patur fatin ta njohim gjatë përurimit të “Golgotës kosovare” në Bukuresht, dhe kemi konstatuar se Fehmi Kelmendi flet me admirim për Sanxhakun shqiptar, për gjenocidin turk dhe holokaustin serb me karakter antishqiptar, për Kishën e Shën Kolit në Lezhë, për masakrën e Tivarit, për plojën që filloi ndaj popullatës civile shqiptare pas “çlirimit”, respektivisht pas riokupimit të Kosovës historike, që shtrihet në veri dhe në jug të Sharrit.

Zoti Kelmendi ka kujtime të freskëta mbi burgun famëkeq të Goli Otokut, mbi oficerë e nënoficerë nga Kosova dhe Shqipëria që formuan brigadat e para për në luftë të Sremit, si, Xhafer Kodra, Haxhi Lleshi, Liman Kaba, Sali Lisi, Qani Pogriu, Omer Çerkezi, Shaip Mustafa, Hamid Thaçi, Emin Duraku, Hajdar Dushi, duke theksuar se Kosovën e kanë çliruar brigadat nga Shqipëria. Fadil Hoxha, Sinan Hasani dhe Ali Shukrija, sipas tij, ishin “servilët e Beogradit”. Atë e trondisin shpirtërisht matrapazët, lakmuesit e parave dhe profiterët e luftës, si dhe maskarenjtë e antikristianizmit që fyejnë figurat legjendare të kombit tonë. Libri më i ri i profesor Fehmi Kelmendit me subjekte historike, ka vlerë të veçantë sepse ato i trajton me një stil karakteristik, duke notuar mes historisë, politikës dhe polemikës, respektivisht hymnizmit të heronjve dhe fshikullimit të kaubojëve të Beogradit dhe Prishtinës që ende po tallen me fatin e Kosovës dhe Luginës së Preshevës.

Përndryshe, Fehmi Kelmendi u lind më 18 maj 1930 në Preshevë (Kosova lindore, aktualisht e administruar nga Serbia). Shkollën fillore e kreu në vendlindje, të mesmen (normalen) në Prishtinë, ndërsa Fakultetin Filozofik (degën e Historisë), në Zagreb (Kroaci). Pas përfundimit të studimeve të larta u mor me studime dhe hulumtime historike, duke u dhënë prioritet atyre të karakterit kombëtar shqiptar. Fitoi atributet e profesorit duke dhënë leksione për studentët. Rrjedh nga një familje me tradita të theksuara patriotike. Ky atdhetar i denjë i kauzës shqiptare, ka qenë i persekutuar politik dhe të gjithë pjesëtarët e familjes së tij, të ushqyer me ndjenja kombëtare, gjithë jetën e tyre ia kanë kushtuar çështjes së çlirimit kombëtar shqiptar. Gjithmonë ka qenë në shenjestër të UDB-es. Asnjë rresht nuk ka patur të drejtë ta botojë. Kur ka ardhur në Zvicër (1991), gjithë akumulimi i tij ka shpërthyer si një vullkan, duke e derdhur lavën patrotike në letër. Ëndrra e tij e vetme është që krejt shqiptarët një ditë të jetojnë në një shtet të vetëm, me një flamur të vetëm, në Shqipërinë historike të rilindësve tanë. Profesor Kelmendi është autor i disa veprave të botuara me karakter historik dhe letrare. Ndër to shquhen librat: Kush janë shqiptarët, Përjetime, Duke pritur agimin e kombit tim, Plakur nga malli, Shpirt i ndezur, Golgota kosovare, Tregime, Çështja shqiptare në udhëkryq.