Kolec Traboini: Një me nder për President

NJE ME NDER PER PRESIDENT

Fejton

NGA KOLEC TRABOINI

Prap po dëgjohen zëra për riciklimin e Fatos Thanas Nanos, bashkpuntorin e Nexhmije Hoxhës, kryeministri i diktatorit Ramiz Alia e ky Fatos i PPSH, po lutet e stërlutet deri në shpërftyrim e zgërlaqje "Më bëni president".

Na kanë dalë edhe 16 apo 17 intelektualë shumica ish komunista të Enver Hoxhës dhe na kanë bërë rekomandimin ta vënë në fron të lartë këtë farë burri që iku me bisht ndër shalë në vitin 1998 nga kryeministria në Shkup.

Dihet pse, se ky Nano xhini (veç uiskit preferon edhe verë) që rri me shumë i dehur se esëll, do ti darovisë me tituj e ndere e me funksione si këshilltarë të tij.Faqja e zezë si zgërlaqen edhe këta intelektualë.

Kishim një president Top dhe ca intelektualë të paskuintave po kërkojnë të na vënë një Tapë, që të katandisemi në një popull Tap-Topi, kjo nuk ka b... ku të rrijë.Po si harrojnë këta intelektualë thuajse folklorikë se ky ky Nano e ka treguar një herë se sa burracak e pa dinjitet ështe, lëre pastaj takimin e jargavitjen në Kretë në bisedat kokë më kokë me Millosheviçin bash atë kohë kur ky kriminel kryente masakra në Kosovë e ku ky kandidati i vetshpalosur për president Nano i tha kriminelit serb se “Millosheviçi di të bëjë luftën por di të bëjë edhe paqen”.

Dhe çfarë lufte e çfarë paqe bëri Millosheviçi dihet.

Po si nuk e kupton ky pijanec e dallaverexhi se është bërë i neveritshëm...

Po u bë president ky farë burri, unë po deklaroj solemnisht do të shkoj të pshurr para presidencës.

Hallall 10 ditë burg..

E kur të më pyes gjykatësi në gjyq nuk do të kërkoj alibi, apo ti them se jo po jam i sëmurë me veshka, jo po nuk ma mbajti prostata e kallam kusure të tjera që të sugjerojnë avokatët mbrojtës, por shul shqip:

- Po kur mbani mutin brenda si të mos pshurrim ne shqiptarët nga jashtë?!