Lida Lazaj: Ndritmë

Lida Lazaj

Ndritmë

Karvan pa fund-fillim karkalecash arlekin

Plim gjinkallash e merimangash belkëputura

Shkarravisin në pluhur hieroglifwe pa kuptim

Pezhishkash mahniten miza e flutura

(ndonjëherë hutohet edhe punëbukura)

Lapsi e letra (ah, sende fisnike pa faj)

Si parmenda në arën me humus, skaj me skaj

Harxhohen e mbjellin lëvozhga e hije

Mendojnë se hedhin farë mendimi të lartë

Dhe ëndërojnë të korra lavdije

Ah, dorë e pa mend

Me një fije urtësie dhe male shemb

Me lapsin që t`dhemb si gisht i gjashtë

Më mire vizato një ëndër, nje zog a një varkë

Dhuroi gëzim fytyrës së trishtë të një fëmije

Ah, zemër e sëmurë

Joshur prej zërash errësire

Udhëve me pluhur, në hone e shkrepa

Më mirë shtroje ritmin me tingujt e trupit dhe masën e hapit

Dhe bëj terapi drite kopertinave me pluhur në biblioteka

 Shekull zhurmërie

Spektakël flluskash

Performance madhështie e marrë

Ndritmë zot, s`kam kohë për të vrarë