E shtune, 19.06.2021, 03:24 PM (GMT+1)

Kulturë

Kristaq Turtulli: Sikur të isha pemë...

E enjte, 28.07.2011, 07:06 PM


KRISTAQ TURTULLI

 

SIKUR TË ISHA PEMË...

 

Sikur të isha pemë,

Si kjo pemë e lartë,

Lindur ndanë udhës së shekujve,

Mbështjellë me pelenën e erërave.

Ushqyer me gjirin e burimeve,

Me vlagën e dëshirave,

Rritur në  kudhrën e shpresave.

 

Sikur të isha pemë,

Si kjo pemë e lartë,

Të ndjeja nanurisjen e flladeve,

Zhaurimën e ujëvarave,

Përkëdheljen e rezeve diellore,

Te dëgjoja këngën e bilbilave,

Pëshpërimat e zërave të breznive.

Mërmërimën e lodhur të pleqve,

Prekjet e dëlira të miliona fëmijëve

dhe simfonitë e mrekullueshme të puthjeve.

 

Sikur të isha pemë,

Si kjo pemë e lartë,

Të çelja lule  dhe gjethe,

Të prodhoja fruta me shije,

Të isha strehë për të gjithë,

Kundër rrëkeve, dimrave dhe ftohtësive.

Të ndalja helmin e mërive,

Kafshimin e armiqësive,

Të bëhesha barrierë e tajfuneve

Dhe ligësive.

 

Sikur të isha pemë,

Si kjo pemë e lartë

Me rrënjë të thella.

Zgjatur deri poshtë

Në zëmër të tokës mëmë,

Të mbaja një komb më këmbë.

 

Sikur të isha pemë,

Si kjo pemë e lartë

Të ripërtërihesha në çdo stinë,

 në qindra e qindra vite.

 Më tha një ditë ime shoqe.

 

Korrik 2011

 



(Vota: 6 . Mesatare: 4/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora