Kulturë
Mehmetali Rexhepi: Performancë
E hene, 30.05.2011, 07:19 PM
Mehmetali Rexhepi
Performancë
*
si është harlisur ai pyll
mes puthjesh të sydetit
e rrafshirës
*
rrafshira dhe sydeti
një fjalor
me sinonime lëpirëse
*
shmangie antonimeve
të stomeve buçitëse
*
syprinë e kriposur
jargëve të trazuara
*
epshet peshk pas peshku
mbi pelën e fisnikëruar
i poçi lakmia hepuar
*
mbi një pelë sedërshkalë
me bezdinë e bindjes
servile tekeve të dykëmbëshit
*
hip - zbritje
dhe asaj ç`i mbeti
*
pos mbarsje hibride
pa hingëllima pyllit
për kalin e zëvendësuar
*
ëndja ia (zh)vesh kofshët
e njelmëta një gruaje
edhe çka nuk do të bënte
*
në këtë pyll
sikur t`i mungonte
ai yll sogjetimi
*
e shara e një miku
mori trajtën e një lisi
gjembaq
*
mes lisash të Divjakës
mëria iku
si kafsha pas krisme
*
mbi tavolinë karrigia
mbi karrige recitohet Fishta
*
nën tavolinë
mizat pickuan pelën
*
tërmet i paparashikuar
i pelës së pickuar
ia fërfëlloi epikës
*
flamurin e shpaluar
nga ai piedestal
i improvizuar
*
në këtë performancë
i doli tymi bezdisë
*
loja e mikut
lëndoi loçkën marroqe
shtrirë nën tavolinë
*
batutë pas batute
në nofullën e përgjakur
dykëmbëshi i jep të puthur
*
sakaq ajo tumiri
nënshtrueshëm groteskun
me shikimin vajqeshur
*
qeshje gajasje të papara
dikuj në fyt i ngeli hala
Gjilan, prill 2011