Poezi nga Përparim Hysi

"Relaks?!"

 

(poezi  me 4-vargje)

 

Nga Përparim Hysi

 

 

1."Dreqja" e mirë

 

 

Paska dhe"dreqe" të mirë,më është mbushur mëndja top

E pashë sot një të tillë,desha ta marrë në krahë- hop!

Por u shmang,më bëri bisht dhe u shkri nga buzëqeshja

Gojëhapur mbeta çuditërisht:-Sa e mirë që ishte " d r e q j a..."

 

 

2.Ç'janë ata gjinj?!

 

 

Ç'janë ata gjinj "kas?!",mënd dhe po çajnë fustanin

A e di?Më vë në ngasë dhe më fut mua shejtanin

Sado që jam i moshuar,zënë e më bëjnë karshillëk

S'duroj dot pa i"kafshuar",le të thonë,mandej: jazëk!!!

 

 

3.Një lule në ballkon

 

 

Dol  një lule në ballkon;është si zambak i bardhë

Dhe nga unë veç shikon;mënd  më ha me sy të gjallë?

Po dhe unë nuk e ha thatë;e përciell andej shikimin

Se më kthen si djalë në vakt(s'e harroj "vijëshënimin..." )

 

 

4.Tinëzisht

 

 

Do të vij tinëzisht,sikur do të vjedh

Një merak që kam,trupin ma rrënqeth

Dhe hyra "tinëzisht",merakun e nxora

Tinëzisht siç hyra,ashtu edhe dola.

 

 

5.Nga    Amerika

 

 

Një zonjë e bukur,porsi trëndafil

Qenin e saj puth,siç puth një bandill

E shoh nga larg skenën dhe bëhem nervoz

Ah,pse s'jam qeni!Ah,se sa xheloz!...

 

 

6.Analogji

 

 

Ja: nga lindja doli dielli

Pak nga pak skuqet dynjaja

Po kur dole ti,moj Leni,

Pse u skuqa,fukaraja?!....

 

 

7.Po kalon një symëshqerrë

 

 

Tek kaloi një symëshqerrë nga ato që "hanë" azat

Ktheu dynjanë në lylyver,sikur dita u bë natë

Pra,dynjanë e ktheu përmbys,më nuk shihja gjë me sy

Dhe  rashë pak si në "krizë",që më plaçin që të dy...

 

 

8.Unë që shkruaj për dashurinë

 

 

Unë që shkruaj për dashurinë,s'e kam patur shesh me lule

Unë shkruaj se heq mërzinë;dashuri,mërzinë  ma shkule.

Se ka patur plot"beteja"( në s'jam"vrarë",po jam "plagosur")

Por nga rruga  nuk ktheja;ndonjëherë...dhe jam  dreqosur

 

 

9.Nuk  e di

 

 

Nuk e di pse gjoksi yt seç më ngjan si furrrë me prush

Ndaj atje më mbesin sytë,sado skuqem si rrallëkush

Dua të digjem ,të shkrumbitem;le të bëhem copra hiri

Mu në "furr me prush"hidhem,me gjallesë m'u mbush shpirti.

 

 

10.Ende "xixa" më bën gjaku

 

 

Në  jam thinjur,në jam zbardhur,prapë huqet s'i kam lënë

Tek të shoh me dhëmbët  zbardhur,unë prej qafe të kam zënë

Mos më mat me kut prej plaku;as mos pyet ti,si a qysh?

Ende "xixa" lëshon gjaku,sado që jam babagjysh.

 

 

27 maj 2011

 

 

 

 

____________

 

... dhe më thonë...

 

 

(cikël me poezi)

 

 

Nga   Përparim      Hysi

 

 

1.Trëndafili venus

 

 

O trëndafili venus që më je hapur i plotë

Kam kohë që të lus dhe mundimi më shkoi kot

Seç më çon pus më pus;mezalla s'e më jep ujë

Mos më pandeh si "Ursus",se jam plak e nuk kam gjunj

 

 

Varma pak,o trëndafil,se më plake dhe më krruse

Se tani nuk jam bandill, ndaj të lutem,o venuse!

Varma pak në ke perëndi,ja,shiko u mblodha grusht

Trëndafil me sytë e zi,unë të dua dhe nuk kam turp.

 

 

 

2.Ç'është ky floku yt?

 

 

Ç'është ky floku yt,lëshuar hergjele

Më ndjellë vid-vid që atje të fle

Atje dua të fle,në pyll të atij floku

Mike,a  s'e sheh që më zu amoku?!

 

 

Gati më zu gjumi,pothuaj mu në këmbë

Se më mori lumi, sy nuk mbylla mbrëmë

Dua që të "fshihem" tek ai "pyll i errët"

Se hiç unë nuk nginjem...jam ashik  i sertë.

 

 

3. Sa të kam pritur

 

Ah,sa të kam pritur! Nuk më erdhe mbrëmë

Më le të habitur,syri laramën

Nuk e di se ç'pate,nuk di se ç'ka ndodhur

Deri pas mesnate, vej-vij pa u lodhur.

 

 

I shqetësuar qeshë,nuk e dija hallin

Dhe,moj pëllumbeshë,hiç s'e fshihja mallin

Aty pas  mesnate,u dëgjuan çapa

Erdhe,o moj Kate,dhe zumë retë e bardha.

 

 

4.Kur pashë Ëngjëllushen...

 

"Unë Tanushën vet e kam pa

Ftyra e saj si skuqet molla në degë..."

 

Visaret e Kombit

 

 

Halili e ka parë Tanushën dhe u mahnit prej saj

Po unë që pashë Ëngjëllushen,mos e kam kollaj?

Se sytë m'i ka si dy prushe, dhëmbët  m'i ka si rruaza

Ç'më bëre,moj Ëngjëllushe,tash që kam flokë të bardha.

 

 

Një fytyrë më ka të bardhë,të bardhë e  ka si biluri

Të tjera,"nishane" me radhë,sa krejt,o miq,më sëmuri

Ma prishi mua mëndjen ashtu si Halili për Tanushën

Të tillë e kam gjëndjen; ma gjeni,ju lutem,Ëngjëllushen.

 

 

5.    ... dhe më thonë...    *

 

 

Dhe më thonë s'ka më lezet,që të flas për dashurinë

Domethënë,mbeçë me shendet!Ta gëzosh pleqërinë!

Po unë tak dhe rrebelohem,as që pyes në shkruajnë a thonë

E kanë kot që mundohen;Përparimi hiç s'dëgjon.

 

 

Se vërtet që tash po plakem,porse syri më shikon

"Si "asaj" unë ti ha hakën,që vjen e më provokon?!"

Pa shikoni!Lëpin buzën,edhe syrin mua ma ngul

D.m. th.,t'më nxjerrë gjuhën,sikur tani s'jam burrë?!!!!

 

 

Jo,po ende s'kam vdekur;jam i gjallë dhe jam në jetë

Pleqëri,moj të kam pjerdhur!"Provokuesja" po më pret

Detit unë i hyj në këmbë;pa u "mbytur",s'mëson not

Zë e hahem dhëmbë për dhëmbë;dashuri,pa ty s'bëj dot.

 

 

*është shkruar më 30 qershor    2008

 

 

6.Krejt papritur

 

 

Krejt papritur,filloi shiu dhe u futa nën një strehë

Nëpër shi tek unë arriu se qe lagur,vajzë e re.

Dhe m'u lut që t'i tregoj,për një  rrugë e një adresë

Në adresë atë e çoj dhe i flas me politesë.

 

 

Sjellja ime i pëlqeu,unë nga goja kot s'jam"mjaltë"

Sado turpin pak e"fshehu",unë po flisja,tash,me"djajtë"

Dhe adresën e  harroi,se unë jam"dreqi vet"

Streha qe që na bashkoi, rrugën ajo e gjeti vet.

 

 

7.Them

 

 

THem mbase...edhe shpresoj që t'ma varësh paksa mua

Vetëtimë më qenke,moj;djemurinë dogje,pothua....

Edhe unë pas djemurisë,zë  merrem me ëndrra

Mu në moshë të pleqërisë, seç po ngopem veç më dëngla

 

 

Djemuria seç ha frutet,mezalla s'e lë thërrime

Porse plaku nuk ngutet;pika-pika,mëndjes sime!

Me një mbase zë shpreson,shpresa humb veç në fund

Ndaj dhe plaku zë beson:vetëtimë,moj,do të mund

 

 

8.A më lë?    *

 

 

A më lë që të"kullos",në "livadhin" që ke pronë?

Se "uria" më dreqos;nuk duroj dhe n'moshë të vonë

Nuk e "ha" të  tërë"çahirin",sa të shuaj,moj,"urinë"

Se për ty po lë fiqirin;të premtoj: s'ta  marrë "tapinë"

 

 

*  8 janar 2002

 

 

9.Unë   dhe ti

 

Unë mërzitur pa hesap,ti me gaz e mbushur plot

Më kalon me vrap"fap" dhe më fut në tjetër botë

Bota jote,tëra gaz,kurse imja është pelin

Dhe kur qesh,jam i"vrazhd",se kam qeshjen-hidhërimë.

 

 

10.Dale,dale!     *

 

 

Dale,dale, me ngadale

Dale,o moj,rrënjëdale!

Se pa ty nuk kam çajre

Se më re,vet havale

Ma ke prishur gjumin fare

Ngrihem gjumit në alarme

Ç'ne ngrihem?Nuk fle fare

Më trullose,rrënjëdale...

 

* 19 shkurt   2002

 

** Të tjerat ,në maj  2011

 

29 maj    2011