Janaq Pani: E premte - 21 janar

E PREMTE - 21 JANAR

Eh ditë e premte orë-ligë

një qiell gri hodhe mbi krye,

në ajër endej mortja shtrigë

për të të shpallë ditë zie.

Me plumba, zërat e protestës

ai në krye t'i mbyllë desh

dhe mendësinë e Mesjetës

si sofër shtroi aty në shesh.

U fikën dhimshëm aty tri jetë

nga kjo ngrehinë - kullë ngujimi,

eh, atë çast u ndjenë shkretë

Samiu, Abdyli dhe Naimi.

U akulluan mbi piedestal

e sytë i hodhën te një dritare,

e ngritën zërin, thërritën:"Ndal,

mos vra lirinë, dorë vrastare!"

Janaq Pani, Toronto