Demir Krasniqi: Ose vdekje - ose liri!

OSE VDEKJE -  OSE LIRI!

Jem një popull – trung ilir ,

Jem një trup n’ katër gjymtyrë .

Krahu i majtë -  është kosovari ,

Krahu i djathtë – Gucia e Tivari .

Këmba e majtë ,  ngjitet n’ Kosovë ,

N’ Manastir, Shkup , Kumanovë...

Këmba e djathtë,  n’ mbarë Çamërinë –

N’ Artë , Prevezë, Florinë , Janinë...

N’ kraharor t’ majtë – shkëmbinj çeliku ,

N’ kraharor t’ djathtë – Adriatiku .

Ka kurrizin me xehe plot ,

Gjoksin mbushë flori , barot...

Ky trup - është Shqipëria nënë ,

Zemra e saj, quhet Tiranë .

Shkodër, Durrës, Elbasan ,

Korçë , Vlorë deri n’ Sazan...

Që nga jugu e në veri –

Është një komb – një Shqipëri .

Që nga lindja e n’ perëndim –

Jem një komb me një qëndrim !

S’ durojmë t’ huajt me na sundua ,

Me terror me na copëtua !

Do t’ luftojmë pleq e të ri –

Ose vdekje – ose liri !

Në Ballkan – ku ka shqiptarë ,

S’do t’ jetojmë më të përçarë !

Nuk ka shtet, as s’ ka fuqi –

Në mes nesh që venë kufi !

Mbarë Pollogu , Pellagonia –

Sytë i kanë kah Shqipëria !

Se Kosova e Ilirida

Janë më t’ pasura se Florida !

S’ durojnë Dibra e Kërçova :

“Evski”, “Ovski”, “Eva”, “Ova”!

S’ durojnë Sharri e Qyqavica :

“Iça”, “Viça” dhe “Oviça”,

“Mahmutiça”, e “Kallabiça”!...

S’ durojnë Arta e Larisa :

“Pangallosa” e “Isis- isa”!

Jem shqiptarë, po na e ka ëndja –

T’ flasim shqip, si na mësoi nëna !

Shtatë milionë ushtarë shqiptarë –

Ju bëjnë ballë armiqve mbarë !

Për t’i  mbrojtur trojet etnike –

Zhvillojnë luftëra heroike !

Nëpër shekuj flakë jem kallë –

Vëllai me vëlla, njëherë me u çmallë !

Moj Evropë , mos luaj lojë hileje –

T’ gjithë shqiptarët i ke n’ familje !

Duam t’ jem një shtet unik ,

S’ mund t’ na ndajë kurrë një armik !

Për pa u nda deti nga zalli –

Kurrë nuk ndahen shqiptarët për së gjalli !

Demir KRASNIQI

Nga libri “Gjakon Kosova”- Gjilan, më 1998, faqe 16.