Sabile Keçmezi-Basha: Më thoshte burri

Sabile Keçmezi-Basha

sabile_basha@hotmail.com

MË THOSHTE BURRI

Më thoshte burri

Do e kalojmë edhe këtë urë

E pastaj

Në shuplakat tona

Do të rriten lulet

Në qerpikët tanë

Do të bleron bari

Në kafkat tona

Kulla do t’i lidhë plagët

Do të ecim

Vertikalisht

Më thoshte

BURRI

E unë

I besoja

Ikën kohët

Tmerrësisht më dëshpëron

Kur ma qesin gjuhën

Dhe më porosisin

Për heshtje

Ikën kohet

Kur mendoja

Se lejleku sjell bebet

Dhe se duhet heshtur

Edhe kur pikëpyetjet

Më mbushin magjen e zbrazur

Të darkës shtërbane

Ikën kohet

Kur thoshin

Se duke ecur zvarrë, zvarranikes

Do të shumëzohen Mic Sokolat

Dhe purpuri do të mbështjell

Gjymtyrët e molisura

Ikën kohët...

Kur rrinim zgjuar

Kur rrinim zgjuar

Masnim peshën e gurit

Që rëndonte

Mbi qepallë

E syri

Më zbërthente

Misterin e globit shtatzënë

Kur bënim gjumë

Përsëri ishim zgjuar

Se pikturonim në ëndrra

Hartën e tej përtejshme të vatanit

Qafat që zgjateshin e stërzgjateshin

Duke bërë nyjëzime

Me nyja të lidhura nyje

Në kërthizën ende të gjakosur

Kur ecnim

E ecnim somnambul

Dëgjoja pëshpërimat, si në ëndërr

Që vinin tej kufijve të Hadit

NE JEMI ME JU

Në ishullin kuq e zi, flakëronte

Flaka e pashuar e lirisë

Dhe ishim rënkim

Në shekujt renduar

Në lëkuren e grisur

Qepnim flamujt e atdheut

12 janar, 2011

Tiranë