Engjëll Koliqi - Poezi të 29 tetorit 2010

NË TË PARËN KËNGË

 

Me mbretëreshën time

Kemi ngritur bujshëm

Zërin e arsyeshëm të dashurisë

Dhe kemi paralajmëruar

Për të gjithë relievet e mbretërisë sonë

Dukurinë e shenjtë

Të besnikërisë

                        Garlate (Lecco), 29 tetor 2010

 

BRENDA VENDIMIT

 

Me mbretëreshën e lume

I kemi përfshirë

Të gjitha mrekullitë e dashurisë

Tani thërrasim stinën

Dhe ia mësyejmë

Amshimit të lumturisë

                        Garlate (Lecco), 29 tetor 2010

 

KEMI NEVOJË...

 

Në këtë stinë të ftohtë

Në horizontin e intereseve

O njerëz vullnetmirë

Shumë kemi nevojë

Për diellin e mirëfilltë

Të dashurisë

T’i hapim zemrat

Dhe t’i pranojmë dhuratat e mrekullisë

                        Lecco, 29 tetor 2010

 

NËN REGJINË TONË

 

Të gjitha storiet filmike

Që paraqesin realitetin origjinal

Të dashurisë

Në këtë shekull

Në mbarë rruzullin

Bëhen nën regjinë tonë

Dhe kryesorë e të pashmangshëm i kanë

Elementet e mirësisë

Me intereset tipike të njerëzisë

                        Lecco, 29 tetor 2010

 

NË THESARIN E DASHURISË

 

Ruhen

Sot e në amshim

Besa

Solidariteti

Mirësia

Njerëzia!

                        Lecco, 29 tetor 2010

 

KONFORM RRETHANAVE

 

Edhe kur rrezikohen shumë interese

Edhe kur vijnë në pikëpyetje shumë qëllime

Duhet ecur përpara

Dhe duhet respektuar

Domosdoshëm

Të gjitha rrethanat që i sjell historia

Duhet luajtur në të gjitha vallet

Duhet gëlltitur edhe kafshata të pakëndshme

Duhet...

Duhet përkëdhelur stinët

Vitet edhe shekujt

Gjithnjë siç na imponojnë rrethanat

                        Lecco, 29 tetor 2010

 

DHURATA DASHURIE

 

Në çdo reliev duam të shkojmë

Anekënd botës sonë

Të gjithë atyre që kanë nevojë

T’u japim copëza mirësie

Si dhurata dashurie

-

Përpara

Sot e në amshim!

                        Lecco, 29 tetor 2010

 

RINGJALLJE E MIRËSISË

 

Duke zbatuar

Mbi masën qindpërqind

Kushtetutën e dashurisë

Me mbretëreshën time

Ringjallim mirësinë

Dhe jetën e njerëzisë

                        Lecco, 29 tetor 2010

 

KUR ZGJOHEN NDJENJAT...

 

Stina e pestë bëhet më e gjalla

Dhe më e këndshmja

Gjithkah këndon dhe vepron dashuria

                        Lecco, 29 tetor 2010

 

S’MUND TË HYJNË NË DERËN TONË

 

Të gjithë ata që e kanë lënduar dashurinë

Gjykata jonë mbretërore

I ka dënuar me ndalesë të përhershme

Kurrë të mos hyjnë në derën tonë

As të mos jenë pjesë e kësaj bote

-

Ata mbeten

Jashtë dashurisë

                        Lecco, 29 tetor 2010

 

DUKE PUNUAR PËR DASHURINË

 

Nuk lodhemi kurrë

Përkundrazi

Shpirti i amshuar me fuqi mrekullie

Gjithnjë e më shumë

Ndjen kënaqësi

                        Renate (Monza Brianza), 29 tetor 2010

 

DASHURIA RRITË MIRËSINË

 

N jemi të gatshëm

Të vrapojmë në çdo akcion të mirësisë

Sepse këtë na e kërkon dashuria

Që në plan të parë

Gjithherë ka njerëzinë

Ngadalë por sigurtë

Me dashuri

Rrisim të shumënevojshmen mirësi

                        Renate (Monza Brianza), 29 tetor 2010

 

MES YJËVE T’ËNDËRRËS

 

Dukemi më të hijeshëm

Dhe gjithnjë e më vezullues

Në aktet e shenjta të dashurisë

Lëshojmë kushtrimin

Anekënd rruzullit

Për mrekulli të këndshme

Të mirësisë

Shpresa të mëdha i japim

Mbarë njerëzisë

                        Triuggio (Monza Brianza), 29 tetor 2010

 

ME FORMAT TË RI

 

Në regjimin tonë

Me format të ri

Mbarë bota ecë përpara me dashuri

Oh sa krenari

Në këtë format të ri

Lulëzojnë njëmijenjë mrekulli

                        Triuggio (Monza Brianza), 29 tetor 2010

 

PO MË PRET YLLI

 

Edhepse në tokë të huaj

Jetoj me dashuri ilirike

Atje në tokën e quajtur Dardani

Ylli vezullues më pret

Së shpejti

Bashkë do e ëmbëlsojmë

Këtë të bekuarën stinë të pestë

                        Triuggio (Monza Brianza), 29 tetor 2010

 

NË SHËRBIM TË MIRËSISË

 

Shumë interese personale duhet harruar

Dhe përpara duhet shkuar

Me plot vullnet

Dhe me të mirëfilltën dashuri

Rritemi gjithnjë e më shumë

Dhe sigurojmë parajsën e amshuar të lumturisë shpirtërore

                        Triuggio (Monza Brianza), 29 tetor 2010

 

EJA ME TY

 

O yll vezullues i stinës sime

Mos ngurro

Eja krejt origjinale

Vetëm me ty

Të hyjmë bashkë

Në derën e bekuar të dashurisë

Eja o mbretëreshë

Eja vetëm me ty

Eja të hyjmë në mrekulli!

                        Triuggio (Monza Brianza), 29 tetor 2010

 

HAP I PARË I DASHURISË

 

Me mrekullinë e kërkuar me lutje

Na erdhi dora e Zotit

Dhe na shtyri përpara

Në të bekuarat akte

Jemi në nismë të mirë

Të shembëllejmë në dashuri

Me frytet shumë t’ëmbëla

Të kënaqësisë

Dhe me vlerat më të larta

Të njerëzisë

Në derën e bekuar

Të kështjellës së lumturisë

                        Tregasio (Monza Brianza), 29 tetor 2010

 

RREGULLISHT

 

Me mbretëreshën time të mrekullive

Jemi këtu në fron

Rregullisht

Në shërbim të dashurisë

Dhe të njerëzisë

Me flamurin e shenjtë të mrekullisë

-

Rregullisht marshojmë

Dhe gëzojmë

                        Tregasio (Monza Brianza), 29 tetor 2010

 

NËN ETHET E DASHURISË

 

Ia marrim këngës

Dhe nuk dijmë të ndalemi

As kur mbretëron nata

Gjithherë dhe çdokund

Duam të jemi të pashëm

Dhe të vlefshëm

Për të mbjellur mirësinë

Në fushat mendore të njerëzisë

                        Pescate (Lecco), 29 tetor 2010

 

NË FUND TË KËNGËS

 

Pa humbur kohë

Jemi kapur në vallen festive

Dhe kemi hijeshuar

Kremten historike të dashurisë

                        Pescate (Lecco), 29 tetor 2010

 

JEHONË E KËNGËS SIME

 

Edhe në stinën e pestë

E deri në amshim

Kënga ime jehon

Plot me dashuri

Në të gjitha relievet

Muzika e dashurisë

Hyn në të gjitha zemrat njerëzore

                        Garlate (Lecco), 29 tetor 2010

 

N’OBORRIN TONË

 

Kremte e madhe ka filluar

Hidhet valle e zgjëruar

E mbarë njerëzisë

Me vezullima të bukura

Të lumturisë

-

Gëzuar!

                        Garlate (Lecco), 29 tetor 2010

 

NE JEMI TË PARËT

 

Në të gjitha proceset e dashurisë

Dhe në të gjitha projektet e njerëzisë

Ne jemi protagonistë të parë

Regjisorë dhe aktorë

Të të gjitha veprave të lumturisë

Zoti na e ka dhënë bekimin

Dhe të garantuar e kemi amshimin

-

Gëzuar!

                        Garlate (Lecco), 29 tetor 2010