Përparim Hysi: Dua të jem cigan

Dua të jem cigan

(poezi  malli )

Nga Përparim Hysi

1. Tani

Tani,nuk e mohoj:jam si derr i kënaqur

Jetoj në mes të mirave dhe bollëkut

Po shpirtin,ama,e kam të mardhur

Se nuk mund t'i shpëtoj dot"jazëkut"

Syrin nga larg,ma shkel  Shqipëria

Që më thotë sa kohë do bësh pa ardhur?!

2.Në Orlando

-Do shkojmë në Orlando,- im bir po më thotë

Atje do të shohësh ,me të vërtetë,tjetër botë!

I hipëm makinës dhe çfarë pashë unë atje

Jo vetëm çudi,por magji vërtet qe!

Çudira që të luante çargu i kokës

Shkoni dhe shihni:gjithë mrekullitë e botës!

Por prapë unë seç ndjeva një si boshësi

Thashë me vete:-S'ka si ti,Shqipëri...

3.Kolegëve të mi në Drejtorinë Arsimore,në Fier.

E shoh që një nga një po shkoni tek "Kashtorja"  *

-Usta nga një meze dhe nga një raki!

Mungon "dikushi" që i pëlqente faqorja

Mungon ai që rakiklubi nuk pi.

Jam unë ai që nuk pi raki plumbi

Ah,mos e prisni!Humbi... e mori lumi...

*klubi ku kthenimm nga një godë me raste festash.

4.Mall për fshatin

Dhe gardhet dhe ferrat që ka fshati im

Këtu,në kurbet,më zhdrrohen në lule

Lexues,me mua mos shfaqni habinë

Provoje kurbetin,në mëndjen nuk,humbe.

Në dimër ,e di që  rrugët kanë baltë

Siç di që verës mbulohen me pluhur

Po baltë e fshatit më duket mjaltë

Mjaltë i vërtetë që kam ngrënë dikur.

Kam mall të madh ,siodomos për njerëzit

E si mund t'i harroj ata njerëz babaxhanë?

Plagë e kam zëmrën unë prej kurbetit

Fshat!Sikur erdha,nuk pyes për oqean.

5.Më ka marrë malli për Fierin

Më ka marrë malli për Fierin ku punova kaq kohë

Dua të vete mallpashuari,të takoj miqët që njoh

Do të ulem,të pi kafe,mu tek klubi i Kozma Gjatës *

Dhe ta kthej me ta një godë,do të rri pas mezit të natës

Më ka marrë malli për Fierin( e ku ka si ky qytet?!)

Se aty tjetër është dielli,ngroh si tjetër,me të vërtetë

Dua të shkoj një çast atje,sa të pi qoft dhe një kafe

S'më zë gjumi,hiç nuk fle, jam  me Fierin kapurqafe.

*miku im ku pija kafe.

6.Dua të jem cigan

Nuk di ç'më ka hipur? Dua të jem  cigan

Si ata dua të bredh,të shikoj dynjanë

Dielli le t'më  nxijë,të më bëjë zezak

Shiu të më lagë,qullë deri në palcë

Të bredh si çiganët botës pash më pash

Ditënetët nën çadër apo të fle dhe jasht.

Erën ta pres me gjoks si Makar Çudra   *

Çadrën e fundit ta ngre  në Mbrostar-Ura  **

Aty dua të prehem,tek ura mbi lumë

S'ka gjë në jam korb apo jam pëllumb

Cigan dua të jem dhe hiç s'jam pishman

A ka më bujarë ,me shpirt babaxhan?

* Makar Çudra-cigan,personazh i  Gorkit

**Mbrostar-Ura-fshati ku banoj,në Fier.

7.Pulëbardha

Sipas Dritëro Agollit

Dritëroi tregon për një pulëbardhë të plagosur

(e morën në shtëpi,e mjekuan,e rritën me kimet)

Një ditë nuk e gjetën,kërkuan si të "marrosur"

E gjetën që kish vdekur.mbi rërë,në det.

Po unë a nuk jam si ajo pulëbardha

Që,këtu,larg Shqipërisë, u thava?

Nga halli jam larg nga ty,Shqipëri.

Por mallin e kam të madh;do të vdes aty.

8.Apel Naim Frashërit

O Naim Poezia,ngreu nga vari veç për pak

Se për Zotin,për kurbetin e ke fjalën me kapak

Këtu dita qenka tjetër,edhe nata tjetër natë

Edhe zogjtë që cicërijnë;cicërimat atje-majltë.

Ngreu nga varri Bukurosh edhe thirr me zë kushtrimi

Se kush ikën në kurbet,nuk gjen fjalë ngushëllimi

E beson kush ra nga fiku ( siç e tha dhe Nastradini)

Edhe mua keq më fshiku,e pësoi dhe Përparimi

Tash që rashë vet nga fiku,e shoh mirë sa dhëmb plaga

Se kurbeti aq më piku, sa po vij me flokë të bardha

RRi e hapur plaga e keqe, si gjëkund mos ketë ilaç

Shqipëri jam si me ethe, veç aty shpëtoj,sakaq..

*Poezitë janë shkruar në vitet 2000- 2002