Engjëll Koliqi - Poezi të 24 e 25 tetorit 2010

NË FUND IA DOLA

 

N’ato çaste të vështira

Kur mendova

Se gjithçka ka përfunduar

Ende pa filluar

Ia dola

Farë dashurie

Arave të mirësisë hodha

Njerëzit vullnetmirë i përfitova

Tani kam garancinë e mrekullisë

Do të përqafohemi shpejt

Në ditën e madhe

Të dashurisë sonë

-

Gëzuar!

                        Garlate (Lecco), 24 tetor 2010

 

ËSHTË SUPERFUQI ?!

 

Ai që flet në kongres

Si kryetar i vjetër

Dhe kryetar i ri

Të gjitha të arriturat

Dhe sukseset

Ia vulos vetit

Dhe të së tyre parti

Kush është dhe ç’ka bërë

Është vërtetë siperfuqi

?!

                        Garlate (Lecco), 24 tetor 2010

 

KUR FLET POPULLI

 

Duhet të jemi të qartë

Diçka e madhe ka ndodhur

T’i fusim zemrat në valle

Sa më madhështore ta bëjmë festën

                        Garlate (Lecco), 24 tetor 2010

 

NËN RREZET E BEKIMIT

 

Të privilegjuar ndjehemi

Dhe shumë të sigurtë

Gonxhja e Dardanisë vjen

Na e jep lajmin e mirë:

Zoti ka hapur rrugën e lumturisë

Deri në amshim

Për mbarë farën arbërore!

                        Garlate (Lecco), 24 tetor 2010

 

ATA PO MË PRESIN

 

Moti i kam paralajmëruar

Do të jem shpejt në mesin e tyre

Për ta kurorëzuar

Ditën e madhe të dashurisë

Ata po presin

Dhe unë do të shkoj

-

Me Zotin përpara!

                        Garlate (Lecco), 24 tetor 2010

 

EDHE NJË KËRKESË

 

O e imja

E bekuara mbretëreshë

Në këtë stinë të vështirë

Për Ty

Në rrafshin e dashurisë

Kam edhe një kërkesë

T’ua hapim dyert e fronit

Të gjithë njerëzve vullnetmirë

Që nga ne presin

Akte dashurie

Dhe shpresë

                 Garlate (Lecco), 24 tetor 2010

 

TI ME MUA – UNË ME TY

Për të qenë sa më të vlefshëm

Dhe më të suksesshëm

Në misionin tonë të dashurisë

Duhet të jemi gjithnjë bashkë

Të pandashëm

Dhe të kënaqur

Ti me mua

Unë me ty

-

Përpara!

                        Garlate (Lecco), 24 tetor 2010

 

DALIM DHE NISEMI

 

Me fuqi mrekullie

Dalim unë edhe mbretëresha

Dhe nisemi pa vonuar

Shtigjeve të bekuara të dashurisë

Në fron na presin kurorat

Dhe vula e amshuar

E mbretërisë

-

Gëzuar!

                        Garlate (Lecco), 24 tetor 2010

 

PO MË PRESIN POR...

 

Ka shumë marifete dhe pengesa

Duhet të pres edhe ndoj ditë

Dhe në logun e dashurisë

Të vëjmë kurorat

Në sytë e të gjithëve

Me Yllin e botës

Në fronin e bekuar

Të bëjmë betimin

Dhe të marrim vendimin

Për kulëtivim maksimal

Të dashurisë

Dhe të mirësisë

-

Do të mbërrij

Shpresoj pa vonesa të mëdha

                        Garlate (Lecco), 24 tetor 2010

 

KONGRESET VAZHDOJNË...

 

Kongreset vazhdojnë

E të gjithë ata

Militantët e partisë

Tani në pushtet

Duke u munduar të na bindin

Ëmbël ligjërojnë

 

Kongreset vazhdojnë

E kryetarin themeltar të partisë

Assesi nuk e rrëzojnë

 

Kongreset vazhdojnë

Dhe delegatët

Të kurdisur nga qendra

Si papagallë

Kryetarin imitojnë

 

Kongreset vazhdojnë

Me intereset partiake

Respektivisht personale

Të drejtuesve të partisë

Intereset e masës

I anashkalojnë

 

Kongreset vazhdojnë

Të gjithë flasin

Asgjë nuk thonë

...

                        Garlate (Lecco), 24 tetor 2010

 

DO TË MBËRRIJ!

 

Nëse për sot nuk munda

Do të nisem sërish

Dhe në një ditë të bukur

Do të mbërrij

Dhe fillojmë bashkë

Vallen festive

Të dashurisë

                        Garlate (Lecco), 25 tetor 2010

 

VETËM SIÇ MË THOTË DASHURIA

 

Nuk i shoh intereset ditore

As imponimet

As joshjet nga jashtë

Gjithmonë flas e veproj

Ashtu

Dhe vetëm ashtu

Siç më thotë dashuria

!!!

                        Garlate (Lecco), 25 tetor 2010

 

PSE TË NGUTEMI ?!

 

Kur e kemi të garantuar fronin

Dhe amshimin e dashurisë

Kurora na pret

Dhe na përqafon në çdo çast që mbërrijmë

-

Nuk kemi pse të ngutemi

As pse të kërkojmë rrugë të  tjera

Pos asaj të besës

-

Gëzuar!

                        Garlate (Lecco), 25 tetor 2010

 

NË LUMIN E DASHURISË

 

Përrallat e thata të tyre

I merr uji

Ne zhytemi

Me të gjitha faktet

Dhe me të vërtetat e stinës së re

Notojmë këndshëm

Deri në detin e lumturisë

Aty e gjejmë historinë tonë

Aty i gjejmë vlerat e larta

Të mirësisë

Të solidaritetit

Të njerëzisë

...

                        Garlate (Lecco), 25 tetor 2010

 

PO VUAJ POR...

 

Po e shoh qartë

Me sytë e mrekullisë

Po më hapet dera e fatit

Dhe e sukseseve

Shumë shpejt do më shihni

Si protagonist të parë

Në fronin e bekuar të dashurisë

                        Garlate (Lecco), 25 tetor 2010

 

RIKONFIRMIME

 

Në fronin e tyre

Ka pak ndryshime

Nga kongresi në kongres

Kryesisht bëhen

Rikonfirmime

Dhe riemërime

-

Ka rregulla demokracia?!

                        Garlate (Lecco), 25 tetor 2010

 

NËN RREZET E LAVDISË

 

Shkëlqejnë fytyrat tona

Dhe bëhemi protagonistë të parë

Dhe më të pashmit

Në misionin e shenjtë

Të dashurisë

                        Garlate (Lecco), 25 tetor 2010

 

ÇFARË STINE ISHTE?!...

 

Dridhej shpirti ynë

Gati ishte ngrirë tërësisht

N’atë stinë të çoroditur

Bota shikonte nga anash

Dhe bënte se s’shihte

Më në fund foli arsyeja

Bota hapi sytë

Dhe e pa të vërtetën

...

As sot s’e kemi plotësisht të qartë

Dhe pyesim

-

Çfarë stine ishte ajo

Dhe në shërbim të kujt?!...

                        Garlate (Lecco), 25 tetor 2010

 

PO VJEN DITA IME!

 

Nuk i ndjej më dhembjet

Sepse gjithnjë e më fuqishëm

Më thërret zëri i dashurisë

Po vjen dita ime

Plot me ëmbëlsi dashurie

E me suksese

Në horizontin e lumturisë

Shpërthejnë të bukurat rreze

Të diellit të dashurisë

Tashmë të gjithë po e shohin

Dita ime po vjen

                        Garlate (Lecco), 25 tetor 2010

 

SIÇ PO SHIHET...

 

Siç po shihet

Koha

Shumë shpejt po kalon

...

Në rrafshin politik

Edhe vendime

Dhe vula absurde

Po imponon

...

E shenjtërueshmja dashuri

Sado që e sulmuar

Dhe e keqtrajtuar

Në fund të fundit

Del ngadhnjimtare

Njerëzinë

Dhe historinë

I shpëton

!!!

                        Garlate (Lecco), 25 tetor 2010

 

KUR RREZATON DASHURIA

 

Gjithçka merr pamje të re

Siç propagandohej me të këndshmet dëshmi

Të dala nga historia

Me gojën e shenjtërve

Dhe të profetëve

Ne i zëmë vendet e merituara

Dhe na kurorëzojnë

Në ballë të fronit

                        Garlate (Lecco), 25 tetor 2010