Demir Krasniqi: Ku e ka djepin Serbia ?

KU E KA DJEPIN SERBIA ?

Po e pyet gjyshin e bija –

Ku e ka djepin Serbia ?

-Po t’ tregoj , ty, moj Burbuqe ,

Edhe ju, o bijtë e mi ,

Atje përtej Mollës Kuqe

E ka djepin n’ Shumadi .

Po e pyet gjyshin e bija –

Prej nga erdhi këtu Serbia ?

-Nga Sibiri e nga Karpatet ,

Morën rrugët si cergarët ,

Erdhën n’ jug , na i zaptuan rrafshet ,

Të gjithë ishin si lypsarët .

-Po n’ Kosovë e mbi këta shkrepa ,

Kur përkundi Serbia djepa?

-Nëpër shekuj radhë e radhë ,

Këmba e huaj këto male i tundi...

T’ gjithë u kthyen nga kanë ardhë ,

Askush djep këtu s’ përkundi !...

-Erdhën krajla e sulltana ,

Pashallarë e perandorë...

Kurrë ninullë s’ mund thuri nëna ,

As s’ përkundi djep me dorë !...

-Kush n’ Kosovë, djepin e pruri

Dhe ëndërroi foshnjën ta pret –

Gjumi i rëndë atë e zuri

E s’i doli kurrë për jetë !

-Kush lakmoi n’ tokat shqiptare

T’ përkund djepa , të bëjë gjumë –

Rrënja e tij shpejt doli fare ,

Gjaku i tij, shpejt u bë lum...

-Duart larg, pra nga Kosova ,

Ju zaptues e çifligarë !

Për të gjallë s’ përkundën djepat –

N’ vatrat tona digjen zjarr !

-Çoni djepat n’ Shumadi

Dhe përkundni foshnjat tuaja ,

Rritni t’ lumtur ata fëmijë –

Kurrë Kosova s’ është e juaja !

N’ trojet tona kosovare –

S’ përkunden djepa tjetër fare ,

Vetëm djepat e Nënës Shqiptare –

Që kanë lindur nga këto male !...

*****Demir KRASNIQI:”Mallëngjime e oshtima “- Gjilan, 1993, faqe 155.