Engjëll Koliqi - Poezi të 19 tetorit 2010 - poesie del 19 ottobre 2010

JASHTË BINARIT

 

Mund të flasin

Dhe të bëjnë ç’të duan

Por jo në linjën tonë të rregullt

Që mba emrin e dashurisë

-

Le të mbesin jashtë

Udhëve të pa cak

...

                        Garlate (Lecco), 19 tetor 2010

 

RRUGËVE TË REJA

 

Nëse një herë s’kemi pasur fat

Dhe fronin e dashurisë s’e kemi gjetur

Atëherë duhet të mendojmë

Rrugën ta ndërrojmë

Sa herë të ketë nevojë

Rrugëve të reja të shkojmë

Derisa të arrijmë në cak

Dhe me dashuri të gëzojmë

                        Garlate (Lecco), 19 tetor 2010

 

NË LULEN E PARË

 

Thithim nektarin

Dhe mbushemi me fuqi dashurie

Fillojnë mrekullitë

Me të lumen mbretëreshë

Shpallim kurorëzimin

Në sytë e të gjithëve

                        Garlate (Lecco), 19 tetor 2010

 

BOTA PO I HARRON

 

Sepse kurrë një të mirë s’e kanë bërë

Asnjë mision dashurie s’e kanë plotësuar

Pa kurrëfarë shije

As pa realizime

Të gjitha stinët i kanë kaluar

                        Garlate (Lecco), 19 tetor 2010

 

MES VËLLEZËRVE

 

Askush nuk ka vend

As që mund të hyjë

Pos së shenjtërueshmës dashuri

Jam edhe unë gjithmonë

Me urti popullore

E me porosi hyjnore

Për solidaritet

Për dashuri

Për njerëzi

                        Garlate (Lecco), 19 tetor 2010

 

NË STACION

 

U takuam me mbretëreshën

Dhe njëzëri vendosëm

Të marrim bashkë trenin e dashurisë

E të nisemi

Për në fronin e lumturisë

-

Gëzuar dhe përpara!

                        Garlate (Lecco), 19 tetor 2010

 

NË TË GJITHA PIKAT

 

Ndalemi bashkë

Me të lumen mbretëreshë

Me shumë kënaqësi

Thithim nektar dashurie

                        Garlate (Lecco), 19 tetor 2010

 

EDHE NË KËTË VJESHTË

 

Me fuqi mrekullie

Jam i freskët

Më i fortë se në stinët tjera

Protagonist kryesor

Në misionin e bekuar

Të dashurisë

                        Garlate (Lecco), 19 tetor 2010

 

KUR FLET MËKATI...

 

Të këqijat radhiten

Dhe ndodhin çdo ditë

Gjithnjë e më rrezikshëm

Deri në pikën e tragjedisë

-

Ndalesë e çdo tërbimi

Është vdekja

                        Garlate (Lecco), 19 tetor 2010

 

FJALË E PARË

 

Në të gjitha përrallat

Dhe në gojëdhanat popullore

Nëpër shekuj

Në të gjitha trojet ilirike

Gjithmonë

Fjalë e parë ishte

Besa

E veshur me dashuri

Edhe sot

Edhe në amshim

Le të këndojë

E le të prijë në valle

Dashuria

                        Garlate (Lecco), 19 tetor 2010

 

SIÇ ËSHTË NË KUSHTETUTË

 

Në çdo pëllëmbë të atdheut tim

Buzëqeshë e sundon dashuria

Sot e në amshim

                        Garlate (Lecco), 19 tetor 2010

 

NGA KJO STINË...

 

Ne do të jemi të mëdhenj

Dhe të vlefshëm

Në rrafshin e dashurisë

Dhe në kodrat e njerëzisë

-

Përpara!

                        Garlate (Lecco), 19 tetor 2010

 

KUR KAM FLUTURUAR

 

Kur kam fluturuar

Qiejve t’ëndërrave

Kam devijuar

Dhe jam humbur

Kam pësuar

Dhe në fund jam penduar

                        Garlate (Lecco), 19 tetor 2010

 

FITOJMË NE

 

Sado që të furishme

Dhe të tmerrshme

Të jenë sfidat e jetës

Dhe padrejtësitë

Ne i fitojmë të gjitha betejat

Dhe luftën e përgjithshme

Dashurinë do e instalojmë

Në kushtetutë

Dhe në të gjitha ligjet

E mbretërisë sonë

-

Ne fitojmë

Dashuria fiton

Dhe mbretëron!

                        Garlate (Lecco), 19 tetor 2010

 

NGADALË E SIGURTË

 

Duke mos u ngutur

Me mbretëreshën e bekuar

Kemi marshuar të sigurtë

Rrugëve të dashurisë

Dhe kemi mbërritur në fron

E e kemi marrë

Timonin e shekullit dhe të botës

                        Garlate (Lecco), 19 tetor 2010

 

TË GJITHË BASHKË NISEMI

 

Andej kah na thërret historia

Me vepra konkrete

Të solidaritetit

Të njerëzisë

Ashtu siç na dikton dashuria

                        Garlate (Lecco), 19 tetor 2010

 

NË TË GJITHA DITËT

 

Jemi të ëmbël

Duke qenë

Në shërbim të sëshenjtërueshmës dashuri

                        Garlate (Lecco), 19 tetor 2010

 

TË ECIM PËRTOKË

 

O njerëz të mirë

Realitetin ta shohim në fytyrë

Dhe t’i shqyrtojmë

E t’i studjojmë mirë

Të gjitha mundësitë

Dhe rrethanat

Të mos fluturojmë qiejve të kotësive

Por të ecim me këmbët tona

Përtokë

Përpara dhe të sigurtë!

                        Garlate (Lecco), 19 tetor 2010

 

SHTOHEN GËZIMET

 

Në këtë vit të shenjtë

Po shtohen dhe po shumëfishohen

Stinët e lumturisë

Gjithkund po këndon dhe po vallëzon

Dashuria

Po shtohen gëzimet

Po freskohet dhe po rritet shekulli

Deri në pambarim

Deri në amshim

                        Garlate (Lecco), 19 tetor 2010

 

NË ZEMËR TË SPEKTAKLIT

 

Sa bukur shkëlqen

Dhe botën tonë vezullon

Kremtja jonë

E regjimit të ëmbël

Të dashurisë

Jehon kënga qendrore

E besës së Ilirisë

...

                        Garlate (Lecco), 19 tetor 2010