Haxhi Dulla: 925 milion njerëz të uritur në botë

925 milion njerëz të uritur në botë

Nga HAXHI DULLA   

925 milion njerëz në botë semurën nga uria – këto shenime para disa ditësh i dha Organizata e Kombeve të Bashkuara për qështje të Bujqesisë dhe Ushqimit ( FAO) .

Në raportin më të ri ,u shënua një rënje simbolike  e numrit të të uriturve për 98 milion.

Edhe përkundër  marrjes së  hapave të reja për  zvogëlimin e numrit të të uriturve nën shifrën prej 1 miliardëve, situata  edhe me tej është  alarmuese  -thekson  FAO , e cila në Romë  parashtroi raportin e bashkëpregaditur me Programin Botëror të Ushqimit  (WFP).

" Cdo 6 sekonda vdes një fëmijë, nga shkaqet e problemeve lidhur me urinë. Uria  edhe  më tutje mbetet skandali dhe tragedia me përmasa shumë të mëdha në  botë "  – tha drejtori  general  i  FAO Jacques Diouf , duke apeluar për zvogëlim të  " urisë kronike „  në botë.

"Intervenimi energjik i vendeve  të  botës për zvogëlimin  e  numrit të të uriturve  është më se  i domosdoshëm dhe  sa më i shpejt ” ka theksuar drejtoresha e Programit Botëror të Ushqimit  Josette Sheeran.

Nga raporti shihet se dy e treta e personave të uritur jetojnë në tete  shtete të botës : Bangladesh, Kinë, Republiken Demokratike të Koresë, Republikën e Kongos, Etiopi , Indi, Indonezi dhe Pakistan.

Azia është kontinenti ku jetojnë më tepër njerëz të uritur  me  - 578 milion njerëz . Në Afrikë ,në regjionin   shkretëtërisë së  Saharës jetojnë  239 milion njerëz të uritur.