Kulturë
Demir Krasniqi: Jo, nuk ndahet Mitrovica!
E merkure, 26.05.2010, 09:57 PM
Demir KRASNIQI
Parodi që këndohet në Kosovë ditë për ditë e vjet për vjet:
JO, NUK NDAHET MITROVICA !
I.
Te ura , te ura –
Urra ! Urra ! Urra !
Te ura , te ura –
Vraponi , o burra !
Te ura , te ura –
Atje n’ Mitrovicë ,
Vraponi , o burra ,
Se nuk ka me pritë !
Te ura, te ura –
Te ura e Ibrit !...
Te ura , te ura –
Bani za Ilirit !
Bani za Dardanit ,
Arbrit , Dukagjinit...
Oh, se po ndërtohet
“Muri i Berlinit!”...
Vraponi , vraponi –
Vraponi , o burra !
Vraponi , vraponi –
Vraponi te ura !
II.
O, ku me vrapue , o, ti more vëlla ?
Oh, a te Ibri , oh, a te Sitnica ?
O, çka u marue , o, ti more vëlla ?
Oh, a mos po ndahet , o, vëlla , Mitrovica ?!
O, amani t’ koftë, o ti more vëlla –
Mos më shti , o, nëpër ngatërresa !
Oh, se n’ mahallë t’ magjupëve , o vëlla –
Jam tu i zanë , unë , do banesa !
O, se m’ ka rrokë kriza , o vëlla ,
Jam ba me behane –
Oh, se m’ ka ikë kthiza , o vëlla ,
Tu i zanë do dyqane !...
III.
O, jo ! Jo! Jo !
Jo, qe besa , jo !
O, për pa u thye kerri me gjithë spica –
O, kurrë nuk ndahet , o , kjo Mitrovica !
O, çka asht ty u ba – e , o, ti more vëlla ?
O, gjithë këto rrahje , o, gjithë kjo hata ?
O, gjithë këto zhurma, gjithë këto vilikama ?
O, gjithë këto krisma , o, gjithë këto piskama ?!...
Oh, se s’po guxoj , o vëlla , hiq me dalë n’ atë anë –
O, a mos po xhirojnë, o vëlla , o, ndo ‘i spot për kangë ?!
O, jo , jo, o vëlla - ti koke trenue ,
O, spot , as filma, o vëlla , nuk janë tuj xhirue !
O, por po mundohen , o vëlla , nga pak me i frikësue –
O, po nuk po kemi, o vëlla , me çka me luftue !...
O, se me pasë , o vëlla, me çka me luftue –
O, te “Molla e kuqe” , o vëlla , na patëm me i que !...
O, s’po kem pambuk , o vëlla , me i mëshelë prapanicat –
O, se s’ kishim lanë , o vëlla , me u nda Mitrovica !
IV.
O, prite , prite , o, Azem Galicën –
O, se s’ ju len ai , me e nda Mitrovicën !
O, pritna , pritna , sa t’i marrim çyskijat ,
O, pritna , pritna , sa t’ i marrim çekiçat !
O, ta kalojmë Ibrin – t’i zaptojmë kafiçat !
O, t’ rrokim tërfurqi , o, t’ rrokim sakica –
O, se nuk ndahet , jo, kurrë Mitrovica !
O, pritna , pritna - tash ua kallëzojmë qejfet ,
O, veç sa t’i marrim na , tupanët dhe defet ,
O, veç sa t’i qesim , o, n’ krah çiftelijat ,
O, e t’i kurdisim surlet e sharkijat ,
O, i madh e i vogël kem me u çue n’ kamë ,
O, kur t’ ju dalim te Ibri n’ atë anë ,
Oh, kur t’ ia nisim kangë edhe piskamë,
Oh, kur t’ ia nisim lojë e vilikamë ,
Oh, as nji t’ gjallë, bre , tybe s’ kem me u lanë !
Oh, se për pa u shkye defa dhe mezhnica –
Oh, kurrë nuk ndahet , tybe , Mitrovica !
Oh, deri tash , o, ne na ka mbajtë besa ,
Oh, me fitue – gjithë na ka mbajtë shpresa ,
Oh, tuj luftue n’ dyqane e n’ banesa ,
Oh, tanë tuj ikë , o, na kanë hupë do çelësa !...
Oh, se kur t’i mshelim banesat me spica –
Oh, për t’ gjallë tonë, nuk ndahet Mitrovica !
Oh, s’ ka me u ndie gjallë ma Koshtinica ,
Oh, Novo Bërda , o , as Graçanica ,
Oh, as Kllokoti, o, as Brezovica ,
Oh, Ranillugu, oh, as Çagllavica ,
Oh, as Pasjani, Parteshi, as Shillova –
Oh, se këngëtarë t’ mëdhenj , more...
(Pardon !)
Oh, se trima t’ mëdhenj , more,
Hej, sot ka Kosova, o hej !
Gjilan, më 11.07.2001.