Klodian Sina: Avdi Beqiri përçanë “Bashkimin Kombëtar”

Ndodhë edhe kjo

Avdi Beqiri përçanë “Bashkimin Kombëtar”

Organizimi i shqiptarëve nëpër klube, më pastaj nëpër organizata ilegale e deri në shoqata humanitare kombëtare jo vetëm që e ruajti bërthamën e etnisë sonë por edhe e ngriti në detyrim të shenjtë çdo kërkesë dhe nevojë të mëpastajme të kombit tonë

Nga Klodian Sina, Trevizo

Organizimi i diasporës shqiptare mori formën e organizimit të saj që nga periudha e veprimtarisë komplekse të njërit nga personalitetet më të çmueshme kombëtare, Jusuf Gërvallës. Kolonizimi praktik i Kosovës nga ana e Serbisë, shqiptarët, anekdn Europës, i sensibilizoi deri në pikët më të lartë të patriotizmit dhe të nacionalizmit racional. Thjesht, pa diasporën shqiptare në periudhën e kolonizimit serb gjithçka në Kosovë do të ishte e paralizuar, e nënshtruar dhe e robëruar deri nëpalc. Asnjë popull në Kontinentin tonë nuk e ka dëshmuar lojalitetin patriotik, nuk i është përgjigjur nevojave të popullit të vet se sa shqiptarë tanë në diasporë. Tre përqindëshi ka ngelur një nga shtyllat më të fuqishme institucionale të shtetit tonë të Kosovës. Shkurt, organizimi i shqiptarëve nëpër klube, më pastaj nëpër organizata ilegale e deri në shoqata humanitare kombëtare jo vetëm që e ruajti bërthamën e etnisë sonë por edhe e ngriti në detyrim të shenjtë kombëtare çdo kërkesë dhe nevojë të mëpastajme të kombit tonë. Sot, as Kombi dhe as Atdheu nuk thërrasin. Tani institucionet tona shtetërore përkujdesen vetë si për kombin ashtu edhe për shtetin. Megjithatë, froama e organizimit vende vende nuk është shuar. Tashmë diaspora jonë mbahet e lidhur në organizim thjesht sa për të organizuar manifestime, koncerte me raste e me shënime të përvjetorëve, janë të tubuar rreth organizatave të ndryshme humanitare sa për të ndihmuar njerëz ne nëvojë, madje edhe për të organizuar mësime në gjuhën shqipe për të gjithë ata shqiptarë që me sukses po i bëjnë ballë tendencave për tëhuajësim e asimilim. Integrime po por me dinjitet kombëtar shqiptar!

Në një organizim të këtillë tash e 15 vjet janë edhe komuniteti shqiptar që jeton në Basano Del Grapa të Vicences së Italisë. Këta shqiptarë janë të organizuar rreth Shoqatës “Bashkimi Kombëtar”, Shoqatë kjo që ka dhënë kontribut të pamohueshëm në aspekt të zbutjes së problemeve humane dhe edukativo arsimore kombëtare për shqiptarët si në Itali ashtu edhe në Kosove e Shqipëri. Kanë qenë ndër paguesit më të rregullt të trepërqindëshit. Shoqata ka pasur mbi 200 anëtarë ndërsa kryesia ka qenë e përbërë nga nëntë anëtarë. Pse po flitet këtu në kohën e shkuar për këtë Shoqatë? Sepse, tashmë është në shuarje e sipër dhe, nuk ka shqiptar në këtë ytet që nuk ndjenë dhembje shpirti për këtë skenar të shuarjes së Shoqatës. Protogonisti i këtij skenari të trishtueshëm është, cuditërisht, vetë kryetari i saj, z.  Avdi Beqiri, i cili nisi të rrëshqet nga statuti dhe programi i shoqatës që kur ia vuri ndërkëmbëzat mësuesit të fëmijëve shqiptare Beqir Cikaqit, njërit nga mësuesit më të mirë që ka pasur diaspora shqiptare. Është dëgjuar tek flet Avdi Beqiri se e ka mbyllur shkollën pikërisht për faktin se të hollat nga anëtarësia iknin duke e paguar këtë mësues! Pra, dihej çdo cent se ku shkonte, ndërsa me largimin e tij, tani vetë Avdi Beqiri menaxhonte me ato të holla për shpenzimin e të cilave kurrë nuk ka raportuar as para anëtarësisë dhe as para kryesisë. Askund nuk figuron asnjë faturë se ku ka paguar, ndërsa gjithnjë thotë se për çdo gjë pagesën e bëj në të zezë me qëllim për t’ju shmangur tatimeve. Tërë anëtarësia por edhe një numër i konsiderushëm i kryesisë së kësaj Shoqate me kohë kanë dyshuar se me këtë fond z. Beqiri është duke manipuluar trash. Dyshimi është shtuar edhe më tepër kur ky farë Avdi Beqiri ka filluar të bashkëpunojë me një agjensi kosovare, Saba Turs, përmes së cilës kishte organizuar që çdo anëtarë i shoqatës në rastë të udhëtimit për në atdhe të udhëtojë ekskluzivisht me këtë agjension. Sot, asnjë shqiptar nuk udhëton me të, sepse, me kohë u zbulua që Avdi Beqiri merrte përqindje të mirë në emër të çdi bilete të shitur, pavarësisht se kjo binte mbi kurrizin e buxhetit familjar të gurbetçarëve tanë të cilët udhëtonin me bileta më të shtrenjta në Evropë.

Për shkak të këtyre manipulimeve kombëtare, finansiare e humane, kohë më parë, kryesia e kësaj Shoqate, me iniciativë të një numri të madh të anëtarëve, ka kërkuar që sipas statusit të bëhet ndërrimi i udheheqësve dhe të njëjtit të zëvendësohen me të rinjë. Kësaj kërkese i është përgjigjur vetëtimthi Avdi Beqiri “Statusi jam vetë, vetë e bëj si të ma dojë qejfi dhe për inat të juajin do ta shpall vetën si kryetar i përjetshëm i Shoqatës”! Këtu ka plasur filmi, kryesia është shpërndarë, anëtarësia është tërhequr tërësisht dhe as që duan ta kujtojnë “Bashkimin Komëbatr” me në krye Avdi Beqirin. Shqiptarët e Basano Del Grapa thonë “Avdi Aga po e vdes “Bashkimin Kombëtar”! Kërkojnë të ndërhyjnë institucionet shtetërore të Kosovës, të paktën, për hirë të ruajtjes së unitetit tradicional, për shkak të gjuhës shqipe që fëmijëve të tyre u duhet si buka dhe uji dhe, për shkak të kujtimit të përjetshëm të ngjarjeve dhe festave kombëtare.