Kulturë
Demir Krasniqi: Drazhë Mihajlli
E hene, 15.03.2010, 10:54 PM
Nga thesari ynë popullor: DRAZHË MIHAJLLI
- Rapsodi popullore –
Ministret n’ Pejë kokan dalë ,
Shumë shqiptarë përpara u kanë dalë ,
N’ atë ven dramat i kanë nalë ,
-Rrnofshi vllazën – u kanë thanë !
-Rrnofshum bashkë , vllazën shqiptarë !
Jau kanë nisë fjalim po u majnë :
“Ngoni knena , vllazën shqiptarë ,
Ju, si n’ kofshi vllaznit e mi ,
Ju , të gjithë me u kthye n’ shpi ,
Tanë mej shitë lopë e ki ,
E me e ble ka ni pushkë për shpi ,
E n’ Rozhajë me dalë n’ kufi !
Se n’ Rozhajë kemi me shkue –
Drazhë Mihajlli n’ kamë na u que !
Drazhë Mihajlli na u que n’ kamë –
Shumë zullum po banë n’ myslimanë !”...
Haj medet për rozhajë të zi –
Ditë e Dielle, Drazha n’ Pazar ka hi ,
Po grinë robë e po grinë thmi ,
Nuse e çika i ka shti n’ Serbi ,
Jau kanë nxjerrë katër killa sy ,
Jau kanë pre nandë killa gji ,
Ja kanë que Drazhës n’ Cetinë !
Drazhë Mihajllit ja paskan que ,
Fort ky Drazha koka gzue ,
Jallah bani, n’ kamë na u que :
“Rrnofshi vllazën, asqert e mi ,
N’ myslimanë paski banun zi !
Zi të madh paski ba n’ shqiptarë,
Tash po vjen kjo vera tuj dalë ,
Rriten malet me dushk e barë ,
Se n’ Kosovë , na kemi me dalë ,
Kem mej marrë kaj janë shqiptarë ,
Nëpër shehre do t’i tubojmë ,
Thminë e vogël nëpër furra do t’i qojmë !
Nëpër furra kemi mej pjekë –
Kanë mej hangër nana e baba i vet !
Nana e baba, thminë kur t’ i hajnë –
Zemra n’ bark ka me ju plasë !
Pleq e plaka se çka janë –
Nëpër përroje patare do t’i bajmë!
Nuse e çika se çka janë –
Do t’ jau japim asqerit tanë !
Djemtë e ri se çka janë –
Do t’ jau lidhum duer e kamë ,
Nëpër soba t’ veta do t’ i qojmë,
Me gra t’ tyne , n’ soba na do t’ shkojmë !
Me gra t’ tyne , kur t’ deshmi me ra –
Me sy t’ vet kanë me na pa ,
Zemra n’ bark ka me ju plasë !
Kurkujt bukë nuk kemi mej dhanë ,
Me dru shpirtin kem me jau marrë !”...
Kështu gazeta n’ Pejë po knon –
Qishtu Drazha, për shqiptarë ka thanë !
Ditë pazari, atë ditë n’ Pejë ish kanë ,
Sa po mujnë shqiptarët po kajnë ,
Ushtimë Pejës i kanë dhanë !
U nis treni për Prishtinë –
Shumë shqiptarë n’ atë tren janë hi ,
Sa për soba, qaq hypshin përmi .
Kthehen t’ mjerët e po shkojnë në shpi –
Tanë poj shesin lopë e ki ,
Tanë po e blejnë ka ni pushkë për shpi ,
E janë dalë n’ Rozhajë – n’ kufi !
Se n’ Rozhajë, kur kokan shkue –
Këtë Tutinin e kanë trupue .
Në Pazar , kur janë shkue –
Nja tri ditë paskan pushue .
Nja tri ditë pushim poj bajnë .
T’ xhumanë , herët , que kokan kanë –
Krisi pushka te kisha n’ Pazar ,
Gajret t’ madh po bajnë qata shqiptarë,
Shumë çetnikët , atë ditë i kanë zanë ,
Pak ma shumë t’ gjallë i kanë nxanë ,
Nëpër përroje , patare poj bajnë ,
Poj pshton Drazhës, veç ni kapetan ,
Ikë të madhe, thiu, paska marrë ,
Fill te Drazha , n’ Cetinë po shkon !
-Çou, more Drazhë, ty mentë t’ paskan lanë ,
Se kanë ardhë shumë do shqiptarë ,
Divizionin qi e patëm n’ Pazar ,
S’ na e kanë lanë asnja të gjallë !
N’ koftë gjermani , qi nuk i nalë –
Shumadijen , kanë me na e marrë !
Mejherë ikën, thiu , e ka marrë ,
Deri n’ Rashkë, shqiptarët pe qojnë !
N’ qafë na pastë qaj gjerman –
U del para shqiptarëve e poj nalë !
Shih , shqiptarët, trimat çka po bajnë –
Nëpër mal kthye kokan kanë ,
Thminë e boshnjakëve n’ male poj gjajnë ,
Baba e nana, qi i kishin lanë ,
Droja e shpirtit , qi i kish marrë !
Shumë gajret shqiptarët po bajnë –
Dy , deri n’ tre , ni njeri i ka marrë ,
Te xhamia n’ Pazar poj qojnë ,
Me tellall, boshnjakëve po u kallxojnë ,
Thminë e vet me shkue mej marrë !
Boshnjakia na u que n’ kamë –
Shkojshin thminë për mej marrë !
Te xhamia , kur po shkojnë –
Me shqiptarë, zatetë janë kanë ,
Ngryka – ngrykas me ta janë marrë ,
Bash si motra me vëlla për Bajram !
-Rrnofshi vllazën – u paskan thanë !
Thminë e vet i paskan marrë ,
Ma shumë t’ dekun se sa t’ gjallë ,
Tue vajtue sokaqeve po shkojnë !...
Drazhë Mihajllit, haberi poj shkon –
Shqiptarët, gjermani i ka nalë !
Këqyre , Drazha , çka po banë ,
Në ni lloç , ungjun ish kanë ,
Po banë be n’ kryq e n’ Velikdan :
“A po ngoni, more shqiptarë ,
N’ ma arriftë ymri n’ Kosovë me dalë ,
S’ kam me lanë kun shqiptarë të gjallë ,
Dy Drenicat me zjarm kam mej kallë !
Mos t’ ish kanë Drenica e Rugova –
Me Shin Gjergj, pat me m’ pritë Kosova “!
Mblodhi dhe shënoi:
Demir KRASNIQI
Facebook
Twitter
Google+
Digg
Komentoni
Artikuj te tjere
Ramiz Dërmaku: Është kenaqësi të lexosh monografinë - Nëngurra e Istogut
Doli nga shtypi libri më i ri i shkrimtarit dhe publicistit Bedri Tahiri
Ejup Ceraja: Përtëritja si metaforë e jetës
Jorgo S. Telo: Nëpër hapësirat e pakufizuara të një dukurie studimore
Fjala e Aleksandër Xhuvanit në varrimin e Gjergj Fishtës
Milazim Kadriu: ''Ringjallja, ringjall aktivitetet letrare
Sokol Demaku: Bisedë me Murat Kocin, mësues dhe aktivist i dalluar në jetën kulturore të shqiptarëve ne Skandinavi
Ndërgjegja humanitare në funksion të çështjes kombëtare
Skulptura nga skulptori dhe shkrimtari Fitim Sula
Poezi nga Mazllum Saneja dhe piktura nga Jan M. Stuchly
Nuhi Veselaj: Drejt standardizimit të gjuhës shqipe (IV)
Halit Bogaj: Zherar Filip (1920-1959)
Dy poezi nga Nehat Jahiu
Nuhi Ismajli: Trajtim i pjesshëm i autorit në letërsi
Cikël poetik nga Nuri Plaku
Yllka Sheqiri: Shpirti ynë – dritare e hapur (Poezi)
Cikël poetik nga Gani Qarri
Abdulla Tafa: Eti - Magu i profundizmit
Cikël poetik nga Rizah Sheqiri
Traboini: Fly-Fluturim, etyd poetik
Gallery
Karnavalet Ilire në Bozovcë dhe Tetovë - 2025
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
