Kulturë
Demir Krasniqi: Sava i Basanit
E shtune, 13.03.2010, 10:06 PM
Nga thesari ynë popullor: SAVA I BASANIT
- Rapsodi popullore –
Haj , medet për Lug t’ Baranit –
N’ kamë na u qojka Sava i Basanit !
Savë Basani n’ kamë na u que –
N’ Baran t’ Epër koka shkue ,
Të tanë kmetat i ka tubue ,
Bajraktarin shpejt jav due !
Bajraktarin ja paskan que –
Tu ngatë jetë Savë, çka m’ lypë mue ?
Mejherë Sava i ka kallxue –
M’ ka ardhë emri fenë me jav ndrrue ,
Nestra e Diella asht qillue ,
Tanë në kishë kena me shkue ,
Mej ngue popat çka u thonë juve ,
Si mos dishit me u kryque ,
Unë vet Sava kam me ju msue !
Bajraktari i mençum ish qillue –
Nja tri ditë , Savë , myhlet t’ i due ,
Shkept bajraqet m’u kanë qillue ,
Dyqysh n’ mujsha mej tubue !
N’ atë ven Sava , ata e ka lshue ,
Hazir Alija aty ish kanë qillue ,
Jallah bani , n’ kamë na u que –
Ktheu , more Savë , e fol me mue ,
Ku ke nije shqiptarët fenë me ndrrue ,
Ramazanat krejt i kemi ngjinue ,
Për Bajram gjithë n’ xhami jemi shkue ,
Pa na gri , Savë , pa na coptue ,
Kurrë nuk munesh fenë me na e ndrrue !
Savë Basani koka idhnue –
Xhanarisë ju ka ngërmue !
Xhanarija i kanë rrethue ,
Duert në bleqe jav kanë vnue ,
N’ isintak janë tuj que .
N’ Garazhdevc, tu kisha i kanë que ,
Ngat ni mal asht qillue ,
N’ atë mal t’ shkretë i kanë ngujue ,
I kanë shti vorret me zor mej marue !
Se te vorret , Sava i ka que ,
Edhe ni herë ju kish kallxue –
Këqyrni vorret ku i kini marue ,
A po doni fenë me qef me e ndrrue ,
Se me qef fenë n’ deshi me e ndrrue ,
Kapetana kam me ju marue ,
N’ Koloshin kam me ju que ,
Koloshinin kini me e sundue !
Pra, mos dashi fenë me qejf me e ndrrue ,
Krejt batare kam me ju marue ,
N’ qito vorre kam me ju gjue !
Hazir Alija , ni djalë drangue ,
Pa i folë Savës , apet , s’ ju durue –
Ty, bre Savë , ni herë t’ kem kallxue ,
Pa na gri e pa na coptue ,
Kurrë nuk munesh fenë me na e ndrrue !
Hazir Alija , ni fjalë pe flet ,
Shokëve t’ vet po ju jep gajret –
Bini vllazën , ju , shahadet ,
Ka ni gisht qone përpjetë ,
Ta bajmë Zotin me isharet ,
Se ky Sava, sod po na pret ,
Na përpjektë , ne , Zoti n’ xhenet !
Të tanë trimat rajshin shahadet ,
Tanë pe qojshin ka ni gisht përpjetë,
Pe bajnë Zotin me isharet ,
Ni batare , Sava , po jav jep !
Ni batare kur jav ka lshue –
Të tanë trimat n’ vorr kokan rrxue !
Hazir Alijes , goja i kish punue –
More Savë, kurrë mos t’ kofsha falë ,
Shahadetin , ti , s’ mun ma nalë ,
Pa imanë, çafir, s’ mun um qon ,
A e din , shpirtin kush ma ka dhanë ?!
Se për s’ dyti, Sava , po m’ jav lëshon –
Të tanë trimat jetë po ndrrojnë !
Të tanë trimat po ndrrojnë jetë ,
Ju pastë shkue shpirti n’ xhenet !
Tanë shqiptarët do t’ ju knojnë rahmet ,
Se për komb , trimat janë vdekë !
Mblodhi dhe shënoi:
Demir KRASNIQI
Facebook
Twitter
Google+
Digg
Komentoni
Artikuj te tjere
Zef Mulaj: Ekuilibri i një shoqërie...
Cikël poetik nga Riza Haxhiu
Cikli poetik nga Gerti Pashaj
Doli nga shtypi libri “Lulëkuqe mbi varre” – refleksione të poetit dhe shkrimtarit Nehat Jahiu
Nuhi Veselaj: Drejt standardizimit të gjuhës shqipe (III)
Sejdi Berisha: Studimi i vetvetes ose matja e jetës me hije të mëngjesit...!
Albert Zholi: Lotët e sinqerta të një burri
Cikël poetik nga Neki Lulaj
Aleksandër Peçi: Shqipëria ka qenë një Sahara për 25 vjet në zhanrin e Baletit Nacional
Nuhi Veselaj: Drejt standardizimit të gjuhës shqipe (II)
Sabile Keçmezi-Basha: Mos më thuaj se edhe ti po shkon...
Demir Krasniqi: Kral Nikolla
Xhenc Bezhi: Rruga integrimit
Poezia nga poeti dhe veprimtari i shquar Dr. Ismet Hebibi
Guri Koço: “Kurrë të mos dëshpërohesh”, do të thotë duaje jetën si të vjen
Gjon Keka: Shteti vartës dhe shfaqja e muskujve
Baki Ymeri: Kosova u bë e njohur kur zoti e fshikullonte kuçedrën nga qielli
Mazllum Saneja: Poezi nga Ismail Kadare dhe piktura nga Jan M. Stuchly
Demir Krasniqi: Salih Shabani
Luan Kurti: Libri poetik Mall
Gallery
Karnavalet Ilire në Bozovcë dhe Tetovë - 2025
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
