Kulturë
Kalosh Celiku: Poezi për tim at, veten dhe melezët
E premte, 22.01.2010, 10:41 PM
Kalosh ÇELIKU Poezi për tim at, veten dhe melezët
Ti ende vazhdon luftën
edhe mes varreve me shokë
me muzerrin krahut
e Unë me penë në brez
mes librave dal kaçak
t’i vë pusi hasmit.
Vetëm, për çudi o burrë
dje derisa na shpallnin ballistë,
sot na akuzojnë si komunistë
melezët e mjerë që i polli Mushka.
E ne megjithatë, brez pas brezi
vazhdojmë të vdesim shqiptarë...
Brez pas brezi në luftë
Vëllezërit s’i kam prerë në besë
vetëm rrufjanëve u shpalla luftë,
u rroka fytas me këlyshë e qen
ata me gurë e Unë me bukë.
Po, vallë ç’patën atë ditë
që u ndërsyen si në Ujk,
athua s’e ditën se Unë me këlyshë
e qen të tërbuar pleq
brez pas brezi bëj luftë...
Takimi me Zonjën Vdekje
E takova sot në rrugë Znj. Vdekje
dhe pimë nga një gotë verë,
më pyeti për librat, e pyeta për këlyshët
a i ndërsehen ndonjëherë pas shpine.
Qeshi Znj. Vdekje dhe ngriti dolli
për Miken në Lindje,
për mua që i kam varur armët në Rrap
të vras Këlyshin e Buçës.
Që, dy hapa më larg e ka nxjerrë gjuhën
dy pëllëmbë jashtë nga vapa
në prehrin e Nënës Rrospi...
Le të më hanë gratë
U besoj grave të marra
kur natën lahen në liqen,
e Unë me një shishe verë në breg
dëshiroj të bëhem grep.
E pres ta kafshojnë vargun
t’i hedh në shtrat,
më mirë le të më hanë gratë
se sa qentë e ngratë!...
Unë jam poet
Armiqtë thonë se jam kurvar
pijanec që e shaj pushtetin,
këlyshët: hajdut, Omar Khajam
Nëna parti s’ma ka qejfin
punët s’i kam mirë edhe me shtetin.
Punë e madhe, më do vera
gratë, Mikja plot bereqet,
Unë jam poet...
Kam jetuar si poet
Nesër mund të thoni: e shanë
e ndoqën, i kurdisën linçe itelektuale
e akuzuan, e përzunë nga puna
e thirrën edhe në biseda infromative
e martuan e ndanë nga gruaja
herë me Miken, herë me një lavire.
Megjithatë, mos t’ju vijë keq për mua
që në këtë luftë kam hyrë vetë,
kam ditur kë ta urrej e kë ta dua
s’kam jetuar qyqe, por si poet...
Edhe dje edhe sot opozitë
Vitet ikin e Unë edhe në dempkraci
i kujtoj kur botonim poezitë e para
te redaktorët censurëkuq nëpër redaksi
se si na rrinin me gërshërë mbi kokë
duke na i sakatuar vargjet pa mëshirë
se ashtu e donte Nëna Parti.
Edhe e sotmja sa i ngjan të djeshmes
ndonjëri nga ju u bë shef në redaksi
mori banesë, ndërtoi shtëpi.
Këlyshi i Buçës referent në Parti
Qeni deputet e Gomari në Ministri.
Po, ç’ngjan me mua Poetin?!
Edhe dje edhe sot opozitë...
Facebook
Twitter
Google+
Digg
Komentoni
Artikuj te tjere
Daniel Gàzulli: Kangët e dhimbjes
Këze Kozeta Zylo: 15-vjecarja nga Shqipëria që synoi të bëhej supermodelja e botës
Fadil Curri: Risemantizimi i mitologjisë bregdetare joniane
Anekdota
Zef Mulaj: Koha
Poezi nga Remzi Salihi
Julia Gjika: Ibrahim Rugovës
Halit Bogaj: Reçaku
Neki Lulaj: Një bashkim bën një kala
Poezi nga Ismet Tahiraj
Cikël poetik nga Eva Hila
Ziko Ll. Kapurani: Vonesa
Përparim Hysi: Mozaik me vargje
Sokol Demaku: Video klip promovues - Qyteti Trollhättan në Suedi nga sytë e një mergimtari shqiptar?
Halit Bogaj: Geri Kuper (1901-1961)
Demir Krasniqi: S’ka n’Gjilan vend Car Llazari
Luan Tetaj: Idetë iluministe të filozofit francez, Pjer Beli (Pierre Bayle 1647-1706)
Halit Bogaj: ”Skënderbeu”
Kalosh Çeliku: Patrioti i arratisur dhe parulla e ''v?llaz?rim - bashkimit''
Sami Islami: Jetoi në kohë të gabuar
Gallery
Karnavalet Ilire në Bozovcë dhe Tetovë - 2025
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
