Halit Bogaj: Al Paçino

AL PAÇINO/1940-

 

Nga Halit Bogaj

Al Paçino bëhet tejet i shquar me rolin e Majkëll Korleones në filmin”Kumbara”I, kushtuar një gangsteri të njohur  mafioz me emrin Don Vito Korleone, të cilin e luan në mënyrë maestrale “artisti i shekullit” Marllon Brando.Me këtë film, Al Paçino tregoi se ishte një  yll i ndritur që vinte duke shkëlqyer në nënqiellin filmor amerikan dhe bëhej gjithnjë më i madh për të na dhuruar edhe kryevepra të tjera tejet  të rëndësishme. Siç e dimë, filmi ishte i shpërblyer me disa çmime oskarë, njërin nga të cilët e fitoi Marllon Brando, duke u bërë edhe njëri ndër hitet më të preferuara të mbarë kinematografisë botërore,  i realizuar në regjinë maestrale të Frensis Ford Kopolës dhe sipas skenarit të Maria Puzos, i cili ishte në të njejtën kohë edhe autor i romanit homonim bestseller.Si një hero i luftës vietnameze dhe si biri i dytë i Don Vitos,Majkëll Korleone ishte i detyruar ta merrte rolin e Donit të ri për t`u hakmarrë për plagosjen e babait të tij nga një bandë tjetër rivale dhe për t`u ngjitur shkallëve më të larta  drejt suksesve të reja.Filmi zgjonte interesim të paparë, kurse Al Paçino bëhej gjithnjë e më kolosal si një aktor që premtonte edhe role të tjera fenomenale dhe heroike nëpër shumë filma të zhanreve të ndryshme.Në filmin “Kumbara”I defilon si një djalosh i ri, i cili në vend se ta vazhdonte karierën e tij ushtarake, detyrohet që të shkonte në vendlindjen e babait për të pushuar një kohë dhe për t`i humbur gjurmët për vrasjen që e kishte bërë në shenjë hakmarrjeje për babain e tij të njohur të cilin kishin provuar ta vrisnin bandat e tjera të rrezikshme rivale, por  edhe atje zbulohet nga kundërshtarët e tij.Filmi “Kumbara”I  arriti suksese të mëdha si një realizim i shkëlqyer i cili ndodhi pas disa vitesh kur kinematografia amerikane nuk kishte bërë ndonjë inovacion të madh në lëmin e artit të shtatë, duke mbetur ndër kryeveprat më të fuqishme të realizuara ndonjë herë si edhe ndër 100  filmat më të shquar të kinemtografisë botërore.Në këtë film të ndritur rolet e tyre maestrale i realizojnë:Marllon Brando, Al Paçino, Robert Dyval dhe Xhejms Kan të cilët bartin tërë peshën kryesore të ngjarjeve shumë interesane.Sidomos pas filmit “Kumbara”I, Al Paçino bëhet legjendë e gjallë për  t`i vazhduar edhe rolet e tij të famshme edhe në dy pjesët e tjera të filmit homonim.Në vazhdim të karierës së tij të shkëlqyer, lind  filmi tjetër  kriminalistik dhe mafioz”Skerfejs”  /Fytyrëdëmkosuri/, të cilin në vitin 1932/versionin e parë/ e kishte realizuar aktori i madh amerikan-Xhorxh Raft, i cili në të njejjtën kohë ishte i radhitur edhe ndër 10 figurat më të njohura të vendit.Në filmin”Skerfejs”,Paçino interpreton mafiozin e njohur Toni Montana që kishte origjinë kubaneze,duke realizuar edhe këtu një  rol maestral për të cilin janë shkruar shumë kritika pozitive.Toni Montana i tij i paharruar është bërë edhe sinonim i personazhit  identik të vetë aktorit Al Paçino të cilin njerëzit e thirrnin me emrin nga filmi.Aty luan edhe bukuroshja e popullarizuar Mishel Fajfer e cila do të jetë ndër aktoret më të kërkuara në vitet e ardhshme, por edhe Robert Logjia – i cili interpreton një gangster tjetër të njohur të asaj kohe kur bëhet fjalë për ngjarjen e filmit.Pas filmave të lartpërmendur, Paçino bëhet ndër yjet më të popullarizuar që i kishte Holivudi bashkëkohor,duke u ngritur në përmasa kolosale edhe me role të tjera të fuqishme dhe të lavdishme.Pason filmi ”Serpiko” në të cilin interpreton rolin e një polici të shkathtë  ,i  cili ka për detyrë t` i zinte kriminelët e rryer dhe vrastarë , që bënin kërdinë në shoqërinë amerikane .Është shumë i njohur edhe filmi tjetër i tij”Rruga  e Karlitos”në të cilin luan me aktorin e ri  dhe perspektiv-Shon Pen i cili ka bërë emër të nderuar edhe me shumë filma të tjerë.Edhe në këtë film Paçino interpreton një mafioz të njohur/Karlito/, duke na bindur me të drejtë  se  ishte i lindur për role të tilla të fuqishme, siç e shohim në filmat e përmendur në të cilët shprehë  origjinalitetin e tij artristik dhe talentin e vetë specifik  për të realizuar në mënyrë të veçantë role të shumta dhe poliedrike nga filma të spikatur   të cilët edhe kanë mbetur si 

Al Pacino dhe Robert De Niro

kryeveprat e tij më antologjike.Siç e dimë, Al Paçino kishte shumë arritje kulmore nga bota e pashterrshme  filmore,por sërish duke u ngjitur shkallëve më të larta  edhe me realizimin tjetër madhështor”Aroma e gruasë”që ishte i nominuar për disa çmime oskarë, në të cilin interpreton një gjeneral të verbër amerikan i pensionuar pas luftës së Vietnamit.Sukseset e tij të njëpasnjëshme radhiten edhe me projekte të tjera interesante dhe përherë më frytdhënëse, ngase ishin vepra të një aktori që dinte se çka kërkonte në art .Pason filmi kriminalistik”Nxehtësia’në të cilin Paçino luan një inspektor policor që duhej ta ndiqte një plaçkitës bankash/Robert De Niro/.Në këtë film e kemi sërish tandemin e shquar/De Niro-Paçino/ të cilët nuk kishin luajtur së bashku që nga filmi i tyre i paharruar”Kumbara”II.Edhe në këtë film janë shumë  interesantë me lojën e tyre të fuqishme artistike.Këtu Paçino  duhej ta asgjësonte një bandë të tmerrshme që plaçkiste bankat dhe bënte kërdinë në qytetet amerikane. Në këtë projekt aksional, bashkë me dy aktorët e shquar shkëlqen edhe aktori i ri dhe shumë i talentuar – Val Kilmeri,  të cilin e kemi shikuar në filmin uestern”Tombstouni”, në rolin e Dok Holidejit legjendar. Në filmat e tij të ndritur Paçino shprehte tërë arsenalin e vetë artistik me të cilin ishte i paisur si një aktor vërtet i përmasave të jashtëzakonshme .Ai është vazhdimisht aktiv dhe nuk ndalet asnjëherë në krijimin edhe të veprave të tjera të shquara filmore, siç ishin edhe filmat”Avokati djallëzor”dhe”Rekruti”, si dy të arritura të tjera të lakmuara.