Kulturë

U ndan çmimet në Festivalin e Teatrit në Vushtrri "Vu Theatre Fest"

E hene, 23.11.2009, 11:57 AM

Festivali në Vushtrri

Nga Hajdin Islami, anëtar i Jurisë së Festivalit dhe gazetar.

Vushtrri,21 nëntor 2009-Në një solemnitet të veçantë në prezencë të shumë artdashësve dhe personaliteteve tjera të kulturës është bërë ndarja e çmimeve në Festivalin tashmë tradicional të Teatrit në Vushtrri "Vu Theatre Fest". Juria e festivalit të cilën sivjet e përbënin Musa Fejzullahu dhe Hajdin Islami, vendosi t’i ndaj këto çmime të cilat të pranishmëve ua dorëzoi Avdullah Bunjaku, drejtor i Festivalit dhe i OJQ-së “Ars Qendra”. Çmimet për skenografi dhe kostumografi i takuan teatrit "Osman R Gashi" të Klinës, po ashtu edhe muzika më e mirë i takoi Arianit Krasniqit nga po ky teatër, çmimi për aktoren më të mirë i takoi Shqipresa Bytyçit nga teatri "Ulpiana" nga Lipjani, po ashtu këtij teatri i takoi edhe çmimi për regjinë më të mirë të cilin e fitoi Avni Qeriqi,ndërsa për skenarin më të mirë u vlerësua Ismet Krasniqi nga teatri “Osman R Gashi” nga Klina. Në Bujanovc shkuan çmimet për aktorin më të mirë të cilin sivjet e fitoi Viktor Zeqiri dhe çmimi më i mirë cili i takoi po këtij teatri "Forumi rinor" nga Bujanovci. Festivali “Vu Thetare Fest” është organizuar nga OJQ "Ars Qendra" dhe mbështetur nga Kuvendi Komunal i Vushtrrisë.

(Vota: 0)