E merkure, 08.02.2023, 10:24 AM (GMT)

Faleminderit

Jahja Drançolli: Lufta e Madeleine

E hene, 23.01.2023, 07:07 PM


Jahja Drançolli:

Si sot, të vitit 1997, Madeleine Albright mori detyrën e Sekretares së parë të shtetit në SHBA, duke u bërë gruaja e parë që mban atë post në kabinet. Nga ky post znj. Albright do të inkuadrohet fuqishëm në krijimin e kushteve objektive për mbrojtjen dhe çlirimin perfundimtar të Kosovës me 1999!

Një ditë pasi u konfirmua unanimisht nga Senati i SHBA-së, Madeleine Albright u betua si Sekretarja e parë femër e Shtetit amerikan nga Zëvendëspresidenti Al Gore në Shtëpinë e Bardhë. Si kryetare e Departamentit të Shtetit të SHBA-së, Albright ishte femra zyrtare e rangut më të lartë në historinë e vendit, një dallim që disa kanë thënë se i dha fund "glass ceiling” (“tavan qelqi”), që i pengonte gratë të ngjiteshin në rangjet e qeverisë.

Albright, Maria Jana Korbelova lindi në Çekosllovaki në vitin 1937 dhe iku në SHBA me familjen e saj në vitin 1948 pas pushtimit komunist. Ajo studioi drejtësi në Universitetin e Kolumbias në New York City dhe u diplomua me titutll doktor shkence (Ph.D). Gjatë viteve 1970-ta, ajo shërbeu si anëtare e stafit në Këshillin e Sigurisë Kombëtare në Shtëpinë e Bardhë, dhe në vitin 1989 u bë presidente e Qendrës jofitimprurëse për Politikat Kombëtare. Në janar 1993, ajo u emërua Përfaqësuese e Përhershme e SHBA-së në Kombet e Bashkuara nga Presidenti Bill Clinton, ku fitoi një reputacion si një negociatore e ashpër, e drejtpërdrejtë në kontakte personale. Në dhjetor 1996, ajo u emërua nga Clinton për të zëvendësuar Warren Christopher si Sekretare e Shtetit, posti më i rëndësishëm dhe më i fuqishëm në kabinetin e presidentit.

Gjatë gjithë mandatit të saj, Albright mbeti një përkrahëse e ndërhyrjes ushtarake dhe një avokate e fortë e demokracisë dhe të drejtave të njeriut. Në veçanti, në vitin 1999 ajo spikati në ngritjen e vetëdijes së NATO-s për bombardimin e Jugosllavisë së mbetur për të ndaluar spastrimin etnik të shqiptarëve të Kosovës nga forcat serbe- jugosllave. Bombardimet e NATO-s, disa e quajnë Lufta e Madeleine, përfunduan pas 11 javësh sulme ajrore kur Jugosllavia ra dakord me kushtet e NATO-s!



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora