Kulturë
Milazim Kadriu: Vjersha për fëmijë
E merkure, 29.07.2009, 06:14 PM
(Vjersha për fëmijë)
YLLI I PA SHUAR
Yjet kur lindin
Lehtë nuk shuhen
Fanar drite mbeta
Edhe pse shumë e re
Tokën me gjak e ujite
E armikut s’ia pata frikën.
Hape krahët
U hodhe me trimëri
Mbi Kulinë lëshove kushtrimin
O vdekje, o liri
Llapi po digjet, Kosova në robëri
I madh e i vogël në këmbë për liri.
SHQIPONJAT DHE BILBILAT
Dikur mbi këta lisa
Qëndronin korbat e zi
Krrakamën e tyre
S’ un e duronte veshi.
Ata këtu më nuk shihen
Nuk kanë guxim të vijnë
Sepse këtu janë shqiponjat
Nga maja e lisave vështrojnë.
E bilbilat pa frikë
Këngës së tyre ia thonë
Me ëndje këngën e tyre
Veshi ynë e dëgjon.
Shqiponjat dhe bilbilat
Punët i kanë koordinua
Korbat e zi në lisa
Të qëndrojnë më si kanë lejua.
NGA KËTU PASH…
Nga ky lis i lartë
E pash pranverën duke ardhur
I pash lulet duke lulëzuar
E zogjtë duke kënduar.
Dëgjova blegërimën e qengjit
Zërin e ëmbël të fëmijës
Nga qielli në tokë
Pash rrezet e lirisë.
Dua edhe më gjatë
Në këtë vend të rri
Se nga këtu pash
Gjithë këtë bukuri.
SHQIPONJA
Shqiponja krenare
Qëndron në maj të lisit
Me vëmendje dëgjon
Këngën e bilbilit
Unë jam këtu thotë
Këndon bilbili pa pushuar
I largova korbat, krrakamat e tyre
S’ka më këngën tënde
Që të pengojnë.
KUJDES
Një ditë Lirimi
Rrugës në shkollë duke shkuar
Papritmas në akull u rrëzua
Me mundim pastaj u ngrit
Aty pari kaloi një plak
- Kujdes, i tha, vogëlush
Asnjëherë mos u ngut
Gjithmonë ec i qetë
Nëpër jetë.
ZOGJTË SHTEGTARË
Kur në vendin tim
Ra borë dhe pati acar
Ikën nga këtej
Të gjithë zogjtë shtegtarë.
Por tani kur pranvera erdhi
Edhe me plot lulëzim
U kthye lejleku, dallëndyshja …
Të gjithë erdhën fluturim.
Po ndërtojnë fole të reja
Gjithnjë duke kënduar
Rrezet e diellit po i ngrohin
Dhe të gjithë janë të gëzuar.