Kulturë

Baki Ymeri: Nikolla Naço dhe shembujt e shenjtë të veprave të tij

E marte, 03.03.2009, 08:44 PM

Nikolla Naço, drejtor i gazetës Shqiptari

Nikolla Naço dhe shembujt e shenjtë të veprave të tij

”Plagët e shpirtit t’im u shëruan! Tashi le të vdes! Zot’ i math më paska falur një vdekje të ëmbël. Rroftë Shqipëria!” (Nikolla Naço, 1913)

Nga Baki Ymeri

Historia e gazetës Shqiptari-Albanezul, u lind nga një përkushtim i sinqertë dhe dashuri përvëlimtare ndaj Shqipërisë, ngase ky ishte dhe qëllimi jetësor i Nikolla Naços, kryetar i Shoqërisë Shqiptare Drita. Misioni i Naços ishte flakja e sundimit osman, ndriçimi kulturor dhe integrimi i kombit shqiptar në një hapsirë të përbashkët etnike, gjeografike dhe historike; vetëqeverimi dhe krijimi i Shqipërisë reale përmes përfitimit të pavarësisë. Sipas studimit të Lasgush Poradecit Një fatos i veteranërisë shqiptare, Nikolla Naço „boton të parën gazetë shqipëtare, bën të parën shkollë shqipëtare, inauguron të parën kishë shqipëtare, dorëzon të parën xhami shqipëtare, redakton të parin plan strategjik për Kryengritjen e Madhe shqipëtare”.

Gazeta e Naços, sipas Lasgushit, „ka për qëllim të vazhdojë luftën e filluar për të nxjerrë nga robëria fisin shqipëtar, duke e ngopur me dashurinë e shentëruar të mëmëdhesë, ta mësojë kombin shqipëtar që ta ruajë me shenjtëri gjuhën e tij, karakterin e tij, zakonet e stërgjyshërve dhe madhërinë e tij të përmëndur”. (Fragment nga Një fatos i veteranërisë shqiptare, fytyra urdhëronjëse dhe aktiviteti historik i kryeveteranit Nikolla N. Naço-Korça, Konstancë, 1932). Numri i parë i gazetës Shqiptari / Albanezul doli në dritë para 120 vitesh, më 7 Gusht 1888. Gazeta del një herë në javë, „nënë urdhërit të një pleqësie”, me artikuj në gjuhën shqipe dhe atë rumune. Në faqet e para të numrave të parë, tribuna kombëtare e shoqërisë Drita hapet me dy shtylla: Letëra e Florinjtë dhe Letëra e Zezë, në të cilat lartësohen atdhetarët dhe fshikullohen tradhëtarët, fajtorët, prishësit e shoqërisë e të njerëzisë, njerëzit me shpirt të vogël që u shërbejnë interesave të poshtra e të turpshme.

Nje leter e Niko Vrapit (1899) per Shqiptarin e Nikolla Nacos

Kur do ta inaugurojë Kosova gazetën Larg fanatizmit nga trojet tona, për fshikullimin e kryekopilit të kombit shqiptar, Tano Turku, alias Artan Meha, që infekton blogosferën shqiptare me sintagma antishqiptare, antikristiane dhe antiamerikane, kundër Gjergj Kastriotit dhe Nënës Terezë, kundër Gjuhës Shqipe dhe kundër Kosovës, kundër Kishës katolike dhe kundër Rugovës! Kosova ka nevojë për harmoni fetare, për paqë e mbarësi, e jo për fundrinat e talibanizmit ballkanik që zbatojnë rekomandimet e Çubrilloviqit sipas orkestrinës së shërbimeve të fshehta të djallit. Mendimet e mia, thekson Nikolla Naço në një broshurë të tij, „drejtoheshin kah krijimi i një marrëveshjeje ndërmjet shqiptarëve nga të gjitha anët e botës nëpërmjet botimit të një gazete, që do t’i shprehte konkretisht dhe do t’i përfaqësonte drejtësisht kërkesat dhe aspiratat mbarëkombëtare”.

(Vota: 5 . Mesatare: 5/5)